Наири (компјутер)

Централна панел Наири

Наири (arm.: Նաիրի (Nairi)) — сериjа совєтскых компjутеров обчего придєланја/задатка, кторе сут были створjене в Ереванском НИИ математичных машин (ЕрНИИММ). Изпушчали се од 1964 до 198-х роков.

Наири-1

В 1962 року спочело се створjенjе компjутера, кторо было докончено в 1964 року.

Главны конструкт/творитељ jе Грачjа Есаевич Овсепjан (arm.: Հրաչյա Հովսեփյան), основне творитељи: Дадашjан Е. Л. (конструкциjа), Буниатjан М. Р. (математично забезпеченје), Геолецjан А. Г. (централны процесор), Нерсисjан А. О. (операциjна памет и дисковы носитељ даных), Мкртчjан Ж. А. (системы електроjеданjа), Джанджулjан Е.Л. (блок управjенjа внєшными апаратами/устроjами).

Изпушчал се компjутер Ереванскым заводом/фабрикоjу "Електрон" и Казанском заводу ЕИМ (електронично изчислитељных машин).

Техничне параметры:

• 36 разредны процесор
• Тактова честота/фреквенциjа в 50 кГц
• Обjем операциjноj памети jест 1024 слова (8 касет/казет по 128 клєток (rus.: ячейки; ang.: cells))
• Брзост изчисљениј jест 1,5-2 тысеч операциj в jедну секунду
• Длгочасна памет има обjем 16 384 слов

Наири-К

Модификациjа има:

• Увеличену/повышену операциjну памет в 4096 слов.

Наири-М

Модификациjа од 1965 рока, ктора има:

• Устроj вводженjа од диротасмы (дирева тасма/паска/трака/лента) (ang.: Punched tape, perforated paper tape; esp.: Trubendo) FS-1500
• Устроj изводженја од диротасмы ПЛ-80 Казанского завода пишучих устроjев.

Наири-С

Модификациjа од 1967 рока, ктора има електроничну пишучу машину Консул-254 как терминал.

Параметр	Наири	Наири-М	Наири-С	Наири-К	Наири-2
Обjем ОЗУ, 36-разр. слов	1024	1024	1024	4096	2048
Обjем ДЗУ, 36-разр. слов	16384	16384	16384	16384	16384
Тактова честота, кГц	50	50	50	50	100
Брзост изчисљениj за операциjе с непостоjанноj/несталоj точкоjу/пунктом/комоjу/запетоjу, в операциjах в jедну секунду	100	200	200	200	400
Коликост машиновых инструкциj	44	44	44	50	48
Коликост псевдооперациj	37	37	37	55	55
Коликост стандардных програм	5	6	6	11	11
Устроjе вводженjа/изводженjа	СТА-2М РТА-50	Zoemtron ПЛ-20 СУ-1	Консул-254 ПЛ-80 FS-1501	Консул-254 ПЛ-80 FS-1501	Консул-254 РТА-60 Риони ПЛ-80 FS-1501

Наири-2

Створjена jе в 1966 року. Операциjна памет изтворjена на феритовых кољцах/прстењах и има обjем в 2048 36-разредных слов.

Наири-3

Створjена в 1970-х и jест првы совєтскы компjутер 3-го покољенја/генерације, кторы был изтворjен на хибридных интегралных схемах.

Наири-4

Была изтворjена в 1974—1981 роках и была сумєстима/компатибилна с PDP-11 и компjутерами СМ ЕИМ (rus.: «СМ ЭВМ» — «Система Малых Электронно Вычислительных Машин»).

Внєшње линкы

• Краткы техничны опис «Наири» — архивована версиjа
• Виртуалны Компjутерны Музеj — Тигран Гаспарjан, Сергеj Огаджанjан — ЕИМ сериjе «Наири» — прєдвєстники особного компjутера — архивована версиjа
• Виртуалны Компjутерны Музеj — ЕИМ сериjе «Наири» — архивована версиjа
• SORUCOM-2006 — Оганjан Герман — Сериjа малых ЕИМ «Наири»
• Образок Наири-К — архивована версиjа