Medžuviki:Glavna stranica
Dobrodošli v Medžuviki, svobodnu enciklopediju, ktoru vsekto može tvoriti.
Evropejsky sojuz ili Evropejska unija jest političny i ekonomičny sojuz 27 držav, ktore glavno nahodet se v Evropě. Jej državy-členy imajut spolnu površinu v 4,233,255.3 km² i ocěnočno naseljeńje v 447 milionov. Državy ES izrabotali obči vnutrny trg črěz ustroj zakonov po redu věčij, ktore dějut vo vsih členah. V česti ES, ktoru zovut Šengensky prostor, ne jest pasportnyh kontrol dlja putovanij. Valutny sojuz medžu državami ES jestvuje s 1999 roka i skladaje se iz 19 držav, ktore koristajut jednu valutu — evro.
ES i evropejsko gradžanstvo byli počete, kogda Maastrihtsky dogovor pristupil do sily v 1993 roku. ES proizhodi od Evropejskoj občiny vuglja i stalji, ktora byla osnovana Parižskym dogovorom 1951 roka, i Evropejskoj ekonomičnoj občiny, ktora byla osnovana Rimskym dogovorom 1957 roka. Prvonačelnymi členami «Evropejskyh občin» stali 6 držav: Belgija, Francija, Italija, Luksemburg, Niderlandy i Zapadna Němcija. «Občiny» i jih nastupniky izrasli v razměru črěz pristupjeńje novyh členov i v silě črěz dodavańje oblastij politiky v svoje voditeljstvo. Objedinjeno kraljevstvo stalo prvoju državoju, ktora vyšla iz sostava ES 31 januara 2020 roka.
Od najvelikyh do najkratkyh v aprilju:
- Umětny jezyk jest jezyk, ktory byl stvorjenym dlja realizacije poněkojego cělja, odlično od prirodnyh, ktore voznikajut v občině, ktora ne stavi cělja stvoriti jezyk.
- Iževsk jest grad v Rosiji, glavny grad Udmurtije, ktory jest znajemy za vojenne i avtomobilne zavody.
- Jugoslavija byla država v Jugovozhodnoj i Centralnoj Evropě v večinstvu 20. stolětja.
- Kaliningrad jest grad v Rosiji, administrativny centr jednonazvanoj oblasti, ktora nahodi se medžu Litvoju i Poljskoju.
- Sibirska Vikipedija byl razděl Vikipedije na umětnom sibirskom jezyku.
- Amsterdam jest glavny i najnaseljeny grad kraljevstva Niderlandov.
- Toki-pona jest filozofsky hudožny umětny jezyk, ktory jest znany za svoj maly slovosbor, prostost i legkost učeńja.
- Srbolužičani jest domorodny slovjansky narod, ktory žive glavno v Němciji.
- Spis Svadeša jest klasičny spis slov, ktory vključaje sravniteljno universalne koncepcije dlja cěljev leksikostatistiky.
- Trolejbus jest vozilo s električnym motorom, ktoro dostavaje energiju iz vněšnjego iztočnika.
- Kako jest jest pravny termin, ktory uživaje se za odrěkanje od raznyh garancij.
- Hačapuri jest tradicijno gruzinsko jedivo, hlěb s syrom.
- Ukrajinci sut vozhodnoslovjansky narod, ktory žive glavno v Ukrajině.
- Studentsky sindrom jest javjeńje, kogdy človek dělaje nečto cělkovitopolno toliko v poslědny čas.
- Štangovy prijemnik jest prijemnik toka, ktory izgledaje kak štanga.
- Deizm jest stanovišče v filozofiji religije i racionalistično bogoslovje.
- Projektno upravjenje jest uživanje organizacijnyh znalostij.
- Kontakna mrěža trolejbusov jest mrěža nad zemjeju, cělj ktoroj jest krmljeńje električnostju trolejbusov.
- Udmurti sut vugrofinsky narod, ktory žive glavno v Rosiji.
Medžuslovjansky jezyk jest slovjansky zonalny pomočny jezyk, skonstruovany na osnově občeslovjanskyh gramatičnyh i leksičnyh elementov, ktory služi komunikaciji medžu slovjanami raznyh narodnostij. Dlja neslovjanov medžuslovjansky može takože polniti edukacijnu funkciju. Jezyk jest zakorenjeny i v staroslovjanskom jezyku i v različnyh improvizovanyh narěčjah, ktorymi ljudi v srědiščah s raznorodnym slovjanskym naseljenjem posluživali se črěz stolětja.
Medžuviki jest medžunarodna viki-enciklopedija po prikladu Vikipedije, ktora sili se dati svobodno koristajeme, objektivne i prověrjajeme enciklopedične članky na medžuslovjanskom jezyku. Prva versija projekta byla stvorjena 18 junija 2007 roka, 15 rokov tomu nazad.
Vsekto može učestvovati i pomagati stvarjati Medžuviki. Vy možete legko iztvoriti novy članok ili razširjati i izpravjati grěšky v jestvujemyh člankah.
Čto by izměnjati viki, ne trěba izkusno vladati medžuslovjanskym, i takože možlivo pisati na oproščenoj versiji jezyka (slovianto). Tekst člankov možlivo čitati i pisati i latiniceju, i kiriliceju zavisno od jih temy.
Poněktore města dlja ulěpšeńja v Medžuviki:
- 1000 najvažnyh člankov dlja každoj viki-enciklopedije
- 129 najkratkyh člankov
- Najpotrěbne članky
- Članky s grěškami v pravopisu
Novyh koristnikov viki mogut zainteresovati stranice pomoči, ktore izlagajut o dvoh sposobah izměnjati viki. Da by izměnjati stranice i skryti adres IP, trěba iztvoriti konto. Vy možete poprobovati izměnjati v pěskovišču.
Ako li vy imajete vsake pytańja ili kakekoli problemy, postavite jih na kavarnji občiny ili v našem Diskord-serveru.
Medžuviki is a free wiki encyclopedia based on Wikipedia and written in Interslavic language. We hope that we can use articles that were written here to create a real Wikipedia edition in Interslavic language. If you don't know Interslavic, you still can help: learn simple version of Interslavic (slovianto), create an account, and start to contribute here.
My takože imajemo medžuslovjansky Vikisbornik, sbornik različnyh tekstov v medžuslovjanskom jezyku, dabyste legko je nahodili vò jednom městě. Vy takože možete dodati svoj tekst!
- Bolje 1000000 člankov
- Russky (русский)
- Poljsky (polski)
- Ukrajinsky (українська)