Sbornik:2018.08.01 Meksik, razbity samolet: 103 pasažerov i nikto ne pogynul (Krzysztof Sobótko)

Iz Medžuviki, svobodnoj encyklopedije
Revizija v 19:06, 24 oktobr 2018 od koristnika Lev-robot (besěda | vklad)
(razliky) ← Starějša revizija | Poslědnja revizija (razliky) | Novějša revizija → (razliky)
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Meksik, razbity samolet: 103 pasažerov i nikto ne pogynul
Avtor: Krzysztof Sobótko
Prěvod: prvobytno medžuslovjansky
Iztočnik: Facebook Interslavic Group
Doba stvorjenja: 01.08.2018






Hrabrosť pasažerov, vysota katastrofy, manevry pilotov, izpuščena kola i oblasť bez domov sut pričiny, ktore pozvolili izběgti tragediji v nebě.

L’Embraer 190, avialiniji Aeromexico vozletěl vo vtorok poslě poludnja posrěd gradovoj burji iz medžunarodnogo aeroporta “Guadalupe Victoria”, ktory nahodi se v gradě Meksik. Kratko po startu byl metnuty silnom poryvom větra na zemju bez mala 10 kilometrov od startovoj dragy iz ktoroj on prěd několiko minutami vozletěl Boljša česť prěživših dolžna byla byti transportovana v boljnicu - ne jedino za poranjenja, no takože za šok, dvojica iz njih ostava sę ješče v težkom staně. Videči obraz razbitogo fjuzeljaža[1] samoleta paljenogo ognjem s vysokym stolpom črnogo dyma vidimym iz daleka, bylo legko sobě prědstaviti, že avarija završila se množstvom žrtv.

Dlja “čuda” neobhodima byla dva uslovja: vysota, iz ktoroj samolet načel spadati, jedva 300 metrov i gotovosť samyh pasažerov - medžu njimi 11 děti, pomagati jedin drugomu i spasati se črěz diry v stěnah i evakuacijne skolzavky, prěd tom, kògda na boku ne izbuhnuli plamenje. Rěšiteljna byla bystro vključenje slizgalok, ktora uskorila evakuaciju v rekordnom časě i fakt, že upad zašel v odkrytoj oblasti, daleko od domov ili urędov.


Objasnjenja[praviti | praviti kod]

  1. ang:fuselage