Četvrtok

Iz Medžuviki, svobodnoj enciklopedije
Jump to navigation Jump to search

Četvrtok jest četvrty denj v sedmici, denj medžu srědoju i petkom. V krajah, kde suprotiv standarda ISO 8601 prvym dnjem sedmice jest obyčajno nedělja, četvrtok jest 5. denj v sedmici.

V pravoslavju četvrtok jest denj apostolov i svetogo Nikolausa, i v tuty denj jim posvečajut razne molitvy. V islamu četvrtok jest jedin iz dnjev, kogdy muslimanov pobudžajut dobrovojno odkazyvati se od jediva (drugy jest ponedělok), ibo jestvujut hadity, v ktoryh Muhamad odkazyvaje se od jediva v tute dni.[1] V judaizmu takože mnet, čto jest dobro odkazyvati se od jediva v četvrtku. Četvrtok jest tradicijny denj provodžeńja občih izborov v Objedinjenom kraljevstvu, hot v zakonah to i ne jest obvezno, i vse izbory s 1935 goda prohodili v četvrtku.

V slovjanskyh jezykah ime četvrtka proizhode od slov "četvrty denj" (běl.: чацьвер; bulg.: четвъртък; češ.: čtvrtek; mak.: четврток; pol.: czwartek; rus.: четверг; srbohrv.: četvrtak; slovač.: štvrtok; sloven.: četrtek; ukr.: четвер). V večinstvu romansskyh jezykov ime četvrtka proizhode od slov "denj Jupitera", rimskogo boga trgovańja, v germanskyh jezykah — od slov "denj Tora", germanskogo boga, ktorogo često mnili ravnym Jupiteru. V inyh jezykah četvrtok često imaje nazvu "4. denj", jestli sčitati od ponedělka, ili "5. denj", jestli sčitati od nedělji.

Iztočniky[izměniti | izměniti kod]

  1. "Is it better to fast on Mondays and Thursdays or on three days of each month?" (na anglijskom). Islam Question & Answer. Data dostupa: 17 junija 2019.

Vněšnje linky[izměniti | izměniti kod]