Šengensky prostor

Iz Medžuviki, svobodnoj enciklopedije
Državy Šengenskogo prostora na kartě.
  Učestnice Evropejskogo sojuza (ES) i Šengenskogo prostora.
  Državy-členy Šengenskom prostoru, ale ne členy ES.
  Nečleny ES, ktore faktično učestvujut v prostoru.
  Ini državy s otvorjenymi granicami.
  Državy ES, ktore sut povinne pristupiti do prostora.
  Učestnice ES, ktore mogut ne pristupati do prostora.

Šengensky prostor ili Šengenska zona (ang.: Schengen Area) jest prostor, ktory skladajut 26 evropejskyh krajev, ktore služebno odvrgnuli vse pasportne i ine tipy pograničnoj kontroly na svojih občih granicah. Prostor glavno funkcionuje kak jedina jurisdikcija dlja medžunarodnyh putovanij so svojeju politikoju viz. Nazva zony jest od grada Šengen v Luksemburgu, kde byl podpisany v 1985 godu Šengensky dogovor.

Iz 27 držav Evropejskogo sojuza (ES) 22 sut čest Šengenskogo prostora. 4 iz 5 nečlenov Šengenskogo prostora v ES, Bulgarija, Hrvatija, Kipr i Rumunija, sut povinne pristupiti do njego v budučnosti. Irlandija, 5. nečlen Šengenskogo prostora, imaje možlivost ne pristupati do prostora. V Šengenskom prostoru takože sut 4 državy, ktori ne sut členy Evropejskogo sojuza: Islandija, Lihtenštejn, Norvegija i Švejcarija. Vsego v Šengenskom prostoru sut 26 držav-členov. Faktično Šengensky prostor vključaje takože 3 evropejskyh državy: Monako, San-Marino i Vatikan.

Šengensky prostor imaje plošču v 4312099 km².

Členstvo[izměniti | izměniti kod]

Šengensky prostor skladaje se iz 26 držav, vključajuči 3 člena, ktore ne sut čest Evropejskogo sojuza.

Državy-členy Šengenskogo prostora
Država Data podpisa Data prvogo vključeńja
Avstrija 28 aprilja 1995 1 decembra 1997
Belgija 14 junija 1985 26 marca 1995
Čehija 16 aprilja 2003 21 decembra 2007
Danija (ne vključajuči Grenlandiju i Farerske ostrova) 19 decembra 1996 25 marca 2001
Estonija 16 aprilja 2003 21 decembra 2007
Finlandija 19 decembra 1996 25 marca 2001
Francija (ne vključajuči zamorske ozemje) 14 junija 1985 26 marca 1995
Grecija 6 novembra 1992 1 januara 2000
Islandija 19 decembra 1996 25 marca 2001
Išpanija 25 junija 1991 26 marca 1995
Italija 27 novembra 1990 26 oktobra 1997
Latvija 16 aprilja 2003 21 decembra 2007
Lihtenštejn 28 fevruara 2008 19 decembra 2011
Litva 16 aprilja 2003 21 decembra 2007
Luksemburg 14 junija 1985 26 marca 1995
Madjarija 16 aprilja 2003 21 decembra 2007
Malta 16 aprilja 2003 21 decembra 2007
Němcija 14 junija 1985 26 marca 1995
Niderlandy (ne vključajuči ozemje v Karibskom morju) 14 junija 1985 26 marca 1995
Norvegija (ne vključajuči Svalbard) 19 decembra 1996 25 marca 2001
Poljska 16 aprilja 2003 21 decembra 2007
Portugalija 25 junija 1991 26 marca 1995
Slovakija 16 aprilja 2003 21 decembra 2007
Slovenija 16 aprilja 2003 21 decembra 2007
Švecija 19 decembra 1996 25 marca 2001
Švejcarija 26 oktobra 2004 12 decembra 2008

3 minidržavy ne sut členy Šengenskogo prostora, no imajut odvorjene granice s njim:

Vněšnje linky[izměniti | izměniti kod]