Španija
| špan.: España | |
 | |
.svg) | |
| Obča informacija | |
|---|---|
| Polna nazva | Kraljevstvo Španija špan.: Reino de España |
| Himn | "Kraljevsky marš" |
| Glavny i najbolši grad | Madrid |
| Državna forma | unitarna parlamentska monarhija |
| Statistika | |
| Plošča | 505 990[1] km² (51.) |
| Naseljeńje |
|
| Valuta | evro (EUR) |
| Časova zona | |
| Kod ISO 3166 | ES |
 Španija na kartě | |
| Koordinaty: 40°N 4°W | |
Španija, služebno Kraljevstvo Španija, jest država v Zapadnoj Evropě s poněktorymi ozemjami v Afrikě črěz Gibraltarsky proliv i red ostrovov v Atlantičnom okeanu: Kanarskyh k zapadu od Sěvernoj Afriky i Balearskyh v Srědzemnom morju. S plosčju v 505990 km² Španija jest 2. najvelika država v Evropejskom sojuzu i 4. najvelika v Evropě. Naseljeńje jest veče 47.3 milionov ljudij dělaje ju 6. najljudnoju državoju v Evropě i 4. najljudnoju v ES. Glavny i najljudny grad jest Madrid.
Jej evropejske ozemje nahodet se na Iberijskom poluostrovu i graničet s Portugalijeju na zapadu, Francijeju i Andoroju na sěveru i britanskoju ozemjeju Gibraltar na jugu. Afrikanske ozemje Seuta i Melija dělajut Španiju jedinoju evropejskoju državoju s ozemjami na Afrikanskom kontinentu i graničet jedino s Marokom.
Španija jest unitarna parlamentska monarhija. Vhodi v Evropejsky sojuz i NATO. Valuta Španije jest evro.
Historija
Prvymi kultrami i narodami na ozemjah sovrěmennoj Španije byli davne iberijci, kelti, keltiberijci, vaskonci, turdetanci i oksitanci. Pozdněje v krajinu prišli inozemne narody, finikijci i greki, i osnovali trgove kolonije na južnom brěgu Španije. Kartagenska država zavojevala južnu Španiju k 3. stolětju do našej ery. Poslě vojn s kartagencami ozemje zavojevala Rimska republika i kontrovala jih do upada Zapadnoj Rimskoj imperije v 5. stolětju našej ery. Rimsky vliv stal osnovoju dlja sovrěmennoj španskoj kultury.
V čas upada Zapadnoj Rimskoj imperije na ozemjah Španije stali seliti se germanske plemena iz Centralnoj i Sěvernoj Evropy. S togo časa razne česti Španije kontrolovali svebi, alanci, vandali i visigoti, a čest južnoj Španije byla zavojevanoju Bizantijskoj imperijeju. K 5. stolětju visigoti stali glavnoju močju v krajině i osnovali Visigotsko kraljevstvo, ktoro zajmalo večinstvo Iberijskogo poluostrova.
V početku 8. stolětja v Visigotsko kraljevstvo vrtgnuli arabsko vojsko halifata Umajadov, čto bylo početkom 700-lětnej musulmanskoj kontroly nad južnymi čestami Iberije. Osnovana jimi država Al-Andalus stala velikym ekonomičnym i intelektualnym srědiščem, a grad Kordoba jednym iz najvelikyh i najbogatših v Evropě. Několiko hristijanskyh kraljevstv osnovali v sěvernyh okrajinah Iberije, glavnymi iz ktoryh byli Leon, Kastilija, Aragon, Portugalija i Navara. V slědne 7 stolětij hristijanske kraljevstva vojevali s muslimanskymi za južne ozemje Iberije, čto potom historiografija nazvala "rekonkistoju" (špan.: Reconquista, «prězavojevańje»), i v koncu izigrali s upadom poslědnjego muslimanskogo kraljevstva, Kraljevstva Granady, v 1492 godu. V tymže godu Kristofor Kolumbus pribyl v Novy svět po naručkě unije Kastilije i Aragona, s ktoroj počela se jedina španska država. Poslě konca rekonkisty kralji Španije prěslědovali i proganjali etnične i religiozne menšinstva, osoblivo jevrejev i muslimanov, črěz stroj španskoj inkvizicije. Odkrytje Novogo světa stalo velikym dlja Španije i s 16. do 19. stolětja ona imala jednu iz najvelikyh kolonialnyh imperij v historiji i jednu iz prvyh globalnyh imperij.
Administrativno děljeńje
Španija děli se na 17 avtonomnyh spoločnostij i 2 avtonomnyh grada:
- Andalusija (špan.: Andalucía)
- Aragon (špan.: Aragón)
- Asturija (špan.: Asturias)
- Balearske ostrovy (špan.: Islas Baleares)
- Kanarske ostrovy (špan.: Islas Canarias)
- Kantabrija (špan.: Cantabria)
- Kastilija-La-Manča (špan.: Castilla-La Mancha)
- Kastilija i Leon (špan.: Castilla y León)
- Katalonija (špan.: Cataluña)
- Valensijska spoločnost (špan.: Comunidad Valenciana)
- Estremadura (špan.: Ětremadura)
- Galisija (špan.: Galicia)
- La-Rioha (špan.: La Rioja)
- Spoločnost Madrid (špan.: Comunidad de Madrid)
- Krajina Mursija (špan.: Región de Murcia)
- Navara (špan.: Navarra)
- Baskska krajina (špan.: País Vasco)
- avtonomny grad Seuta (špan.: Ceuta)
- avtonomny grad Melija (špan.: Melilla)
Iztočniky
- ↑ "Anuario estadístico de España 2008. 1ª parte: entorno físico y medio ambiente" (PDF). Instituto Nacional de Estadística (na španskom). Bylo arhivovano (PDF) iz iztočnika 24 septembra 2015. Data dostupa: 14 aprilja 2015.
- ↑ "INEbase / Demografía y población /Padrón. Población por municipios /Estadística del Padrón continuo. Últimos datos datos". ine.es (na španskom). Data dostupa: 11 februara 2021.
Vněšnje linky
- Tutoj članok imaje prěvod iz članka "Spain" v Vikipediji na anglijskom (spis avtorov; dozvoljeńje CC BY-SA 4.0).