Koordinaty: 53°09′N 29°14′E

Бабрујск

Iz Medžuviki, svobodnoj enciklopedije
Jump to navigation Jump to search
Град
Бабрујск
бєл.: Бабруйск; рус.: Бобруйск
Хоругва
Герб
Административно дєљенје
ДржаваБєлорус
ОбластМагиљовска област
ОкругБабрујскы округ
Обча информација
Впрво спомнєны1387
Плошча83.86 км²
Насєљенје (2020)212200 људиј
Часова зонаUTC+3 (MSK)
Бабрујск на картє
Координаты: 53°09′N 29°14′E

Бабрујск јест град в Бєлоруси, в Магиљовскоj области, административно срєдишче Бабрујского округа. Град стоји на рєке Бјарезина. Насељенје града јест 212200 льудиј на 2020 год.[1]

Бабрујск јест једин из најстарых градов Бєлоруси. Впрво споминајут в писемных източниках в 1387 году, але јешче во владу Владимира Великого на мєсту соврєменного Бабрујска јествовало село, обыватељи кторого зајмали се рыболовом и ловом бобров. Од бобров и произходи назва града.

В епоху владанја градом Великого кнежства Литовского Бабрујск был важноју пограничноју крєпостју кнежства. Крєпост на једном из холмов у рєкы Бјарезина сбудовали в 14. столєтју.

Послє второго раздєла Пољскы Бабрујск стала пограничным градом Росијској империје. В 1810 году росијани почели будовати коло Бабрујска нову крєпост. В час впада Наполеона в Росију крєпост была сбудована једино честично, але јеј обсада потрвала 4 мєсеца. Послє Наполеоновых војн в Бабрујску силно израсло число обыватељев-јеврејев.

Послє Росијского повстанја град стал честју Бєлорусској совєтској социалистичној републикы, а потом Совєтского сојуза. В час Другој свєтовој војны Бабрујск захватили војска нацистичној Нємције. 20 тысечев бабрујскых јеврејев нацисти почетково принудили жити в Бабрујском гету, а потом убили. 29 јунија 1944 года Чрвена армија освободила Бабрујск од нацистичных војск. Град был в руинах, а јего насељенје снизило се од 84107 људиј в 1939 году до 28352 људиј послє војны. Послє војны в Бабрујску стало жити вече људиј вслєд урбанизације.

Партнерске грады[izměniti | izměniti kod]

Източникы[izměniti | izměniti kod]

  1. "Численность населения на 1 января 2020 г. и среднегодовая численность населения за 2019 год по Республике Беларусь в разрезе областей, районов, городов и посёлков городского типа". belstat.gov.by (na russkom). Data dostupa: 15 avgusta 2021.

Внєшње линкы[izměniti | izměniti kod]