Валдемар Росенбергер

Iz Medžuviki, svobodnoj encyklopedije
Jump to navigation Jump to search

Валдемар Росенбергер (рус.: Владимир Карлович Розенбергер; 1848–1918) был творитель уметного језыка неутраль. Валдемар уродил се в 1848 годе в граде Санкт Петерсбург (Росија) како Рус немецкого поизходженија. Был школьены како инжениер железничства и работал в тој функцији од 1873 до својего пенсионерства в 1909.

В 1886 годе он научил се језика волапюк а в 1892 стал директор академије Волапюка. В тех летах позиција волапüка была сериозно загрожена вслед успехов нового меджународного језыка есперанто. Хочуч реформовати и улепшити волапюк, Росенбергер начел експериментовати и в 1902 годе изтворил новы језык, неутраль (Idiom Neutral), натуралистичны пројект, которы једнакже не был пријеты од меджународного руха волапюкистов. Десет лет позднеј, в 1912 годе, Росенбергер опубликовал улепшену версију того самого језыка под назвоју Reform-Neutral. В летах од 1906 до 1915 он издавал и редактовал журнал Прогрес, прво на идиом неутрал а потом на реформ неутрал. Помимо того, ни прва ни друга версија језыка не была много успешна.

В декембре 1918 Росенбергер умрел в веку 70 лет вслед пневмоније.