КК Чрвена звєзда

КК Чрвена звєзда (срб.: КК Црвена звезда, или, из спонсорскых разлогов, Чрвена звєзда Меридианбет) јест србскы професионалны кошаркашкы/баскетболны клуб из Бєлграда. Дєл јест спортивного свеза Чрвена звєзда. Чрвена звєзда конкурује в Кошаркашкој лигє Србије и домашњем Кубку Радивоја Корача, и једины јест србскы кошаркашкы клуб, кторы не изпадл из првој националној лигы. Чрвена звєзда јест такоже једины клуб в свєту в ктором сут „израбјена“ четверо члени ФИБА дома славных (Попивич, Станкович, Шапер и Николич), од кторых сут двоје избрана в дом славных в Спрингфилду (Станкович и Николич). Чрвена звєзда јест в Јадранском кошаркашком свезу и конкурује се в АБА лигє, ктора назнача, кторе екипы се будут конкуровати в Евролигє, а кторе в Еврокубку. Сугласно УЛЕБ-овом списку Звєзда јест најлучши рангираны клуб од всих србскых клубов, како и всих клубов из Јадранској лигы.

Чрвена звєзда како господар матча игра в салє Александар Николич, ктора јест сбудована в 1973, со објемом од 8.000 сєдечих мєст, допока матче в европејскых компетицијах проходет в Штарк аренє со објемом од 18.386 сєдечих мєст. Љубитељи Чрвеној звєзды нарєкајут се Делије.