Лев Толстој
Лев Николајевич Толстој (rus.: Лев Николаевич Толстой; 1828–1910) был једин из најбоље знаменитых русскых писатељев и мыслитељев, једин из величственых писатељев-романистов свєта. Член графској родины Толстых.
Родил се 28 августа [9 септембра] 1828 года в Јасној Пољанє, Туљска губернија, Росијска империја. Писатељ јешче при житју был признаны начелником русској литературы. Творчество Љва Толстого је ознаменовало новы етап в русском и свєтовом реализме, је изступавши мостом меджу класичным романом XIX столетја и литературој XX столетја. Лев Толстој је оказал мочны вплыв на евољуцију европејского хуманизма, а такоже на развитје реалистичных традициј в свєтовој литературе. Изтворы Љва Толстого многократно сут филмовали се. Лев Толстој был самым издавајемым в СССР писатељем за 1918–1986 годы: обчи наклад 3199 изданиј је составил 436,261 млн екземпљаров. Умрєл на станцији Астапову в Рјазанској губернији Росијској империје 7 [20] новембра 1910 года.
Најбоље прослављены изтворы Толстого, как романы «Војна и мир», «Анна Каренина», «Возкрешенје»; автобиоргафична трилогија «Детство», «Отворочество», «Младост»; повєдки «Козаки», «Смрт Ивана Иљјича», «Крејцерова соната», «Отец Сергиј», «Хаджи-Мурат»; цикл есејев «Севастопољскије повєдки»; драмы «Живи труп», «Плоды просвєта» и «Власт тмы»; автобиографичны религиозно-филозовске изтворы «Изповєд» и «В чем моја вєра?», «Закон насиља и љубви» и ины.
Вњешње линкы
- Tutoj članok imaje prěvod iz članka «Толстой, Лев Николаевич» v Vikipediji na russkom (spis avtorov; dozvoljeńje CC BY-SA 4.0).