Liberland

Iz Medžuviki, svobodnoj enciklopedije
(Bylo prěadresovano iz Либерланд)
Jump to navigation Jump to search
Minidržava
Liberland
ang.: Liberland
Horugva
Obča informacija
Polna nazvaSvobodna republika Liberland
ang.: Free Republic of Liberland
Oficialne jezykyanglijsky[1]
Statistika
Plošča7 km²
Tvrdima valutaliberlandsky merit (kriptovaluta)
Městopoložeńje ozemij, na ktory pretenduje Liberland
Městopoložeńje ozemij, na ktory pretenduje Liberland

Liberland, oficialno Svobodna republika Liberland, jest minidržava vazglašena v Aprilu 2015 ot grupy Čehov pod voditelem Vitom Jedličkom na teritoriji približno 7 kvadratnih kilometrov medžu Hrvatskoju i Srbijeju na zapadnom bregu Dunava bliz Zmajevca (Hrvatija) i Bačkogo Monošora (autonomna oblast Vojvodina, Srbija).

Na nektorih kartah jest tuta oblast nazyvana Gornja Siga. Oblast leži v prostoru, kde reka Dunav premenila svoju poziciju hrvatskogo (zapadnogo) i srbskogo (vazhodnogo) brega.

Srbija uznavaje državnu granicu ot dnešnoj pozicije reky. No Hrvatska uznavaje državnu granicu ot istoričnih katastrov, ktori sut v liniji staroj pozicije reky, zatože stara pozicija reky je byla vyše izlomena i popadala v bolšej časti do vazhoda krome maloj oblasti Siga, kde jest obratna situacija, bo oblast Siga popadaje zapadno ot dnešnogo brega i vazhodno ot starogo brega.

Ot hrvatskogo uznavanija (stara linija reky) jest Siga v Srbiji, no ot srbskogo uznavanija (dnešna linija reky) jest Siga v Hrvatske. V rezultatu ovu oblast ne hoče ni Hrvatska ni Srbija i oblast jest zemja nikogo (terra nulius), čto je koristil Vit Jedlička, ktory govori, že drži zemju mimo Hrvatsku i mimo Srbiju.

Liberland jest tretja najmenša država sveta posle Vatikana i Monaka. Mottom Liberlanda jest: "Žiti i dovoliti žiti." Jedlička govori, že hoče sotvoriti občinu, kde počestni ljudi možut prosperovati bez nepotrebnih državnih zakonov i podankov.

Iztočniky[izměniti | izměniti kod]

  1. Godsil, Jillian (30 mareca 2020). "Liberland celebrates 5th Anniversary on April 13, 2020". Liberland Press. Data dostupa: 27 maja 2020.

Vnešnje linky[izměniti | izměniti kod]