Минск
бєл.: Мінск; кл. бєл.: Менск | |
Административно дєљенје | |
---|---|
Држава | Бєлорус |
Обча информација | |
Основаны | 1067 |
Плошча | 409,53 км² |
Насєљенје (2023) | 1 995 471 људиј |
Часова зона | UTC+3 (MSK) |
Координаты: 53°54′8″N 27°33′41″E |
Минск јест главны и најљудны град Бєлоруси, кторы находи се на рєках Свислач и Њамига. Административно срєдишче Минској области и Минского рајона, але не входи в јих состав и имаје станје оддєлној административној јединице. В Минску без јего приградов на 2018 год живут 1982444 људиј,[1] же дєлаје јего 11. најљудным градом в Европє.
Најпрво споминанје Минска како "Мєнеска" јест в 1067 году в "Повєсти врєменных лєт", кде јего споминајут како провинциалны град в Полочском кнежству. Посељенје развивало се у рєк. В 1242 году Минск стал честју Великого кнежства Литовского. В 1499 году он достал привилегије магдебургского права. Од 1569 года Минск был главным градом Минского војеводства в Пољско-литовском содружству. В 1793 году в рамках Другого раздєла Пољскы Минск стал честју Росијској империје. Од 1919 до 1991 года, послє Росијского повстанја 1917 года, Минск был главным градом Бєлорусској совєтској социалистичној републикы в Совєтском сојузу. Послє разпада Совєтского сојуза Минск стал главным градом незалежној Бєлоруси.
Минск јест административны главны град Содружства незалежных држав и јест мєсто размєшченја јего централы.
Източникы
- ↑ Численность населения на 1 января 2018 г. и среднегодовая численность населения за 2017 год по Республике Беларусь в разрезе областей, районов, городов и поселков городского типа (na russkom). National Statistical Committee of the Republic of Belarus. 29 mareca 2018.
Внєшње линкы
- Тутој чланок имаје прєвод из чланка "Minsk" в Википедији на англијском (спис авторов; дозвољенје CC BY-SA 4.0).