Оружне силы Росије

Емблем Оружных сил Росије

Оружне силы Росије (рус.: Вооружённые силы России, Вооружённые силы Российской Федерации) сут војенне силы Росије, кторе складајут се из Поземных војск (армије), Војенно-морској флоты (флоты) и Воздушно-космичных сил (воздушных сил). Такоже в составу Оружных сил Росије сут 2 оддєлных рода војск: Ракетне војска стратегичного придєланја и Воздушно-десантне војска.

Оружне силы Росије сут једне из највеликых војенных сил в свєту по числу бојцев. На 2019 рок они имајут без малого 1 милион активных људиј, то јест 4. највелике војенне силы в свєту. Додаточно јествујут боље 2.5 милионов људиј в запасу. Дља росијскых мужеј законом обвезно проходити рок службы в Оружных силах.

Оружне силы Росије имајут највеликы запас једрного оружја в свєту.

Состав

Оружне силы Росије складајут се из 3 типов војенных сил, 2 оддєлных родов војск, и специалных војск.

1. Армија: Поземно војско Росије (рус.: Сухопутные войска России, СВ)
2. Флота: Војенно-морска флота Росије (рус.: Военно-морской флот России, ВМФ)
   • Балтичскы флот
   • Сєверны флот
   • Тихоокеанскы флот
   • Чрноморскы флот
   • Каспијска флотиља
3. Воздушне силы: Воздушно-космичне силы Росије (рус.: Воздушно-космические силы России, ВКС)

2 оддєлных рода војск:

1. Ракетне војска стратегичного придєланја Росије (рус.: Ракетные войска стратегического назначения России, РВСН)
2. Воздушно-десантне војска Росије (рус.: Воздушно-десантные войска России, ВДВ)

Војенне округы

Послє реформы 2008 рока Оружне силы Росије дєлет се на 5 војенных округов:

1. Западны војенны округ (рус.: Западный военный округ)
2. Јужны војенны округ (рус.: Южный военный округ)
3. Централны војенны округ (рус.: Центральный военный округ)
4. Източны војенны округ (рус.: Восточный военный округ)
5. Сєверна флота (рус.: Северный флот; с 2014 рока)

Внєшње линкы

• Тутој чланок имаје прєвод из чланка "Russian Armed Forces" в Википедији на англијском (спис авторов; дозвољенје CC BY-SA 4.0).