Пепелац
Пепелац (груз.: პეპელა [пе́пела] — мотылик) јест фантастичны лєталовы апарат из совєтского филма «Кин-Дза-Дза!», кторы изтворил умєтник Теодо́р Те́жик Чесла́вович. Пепелац јест популарно слово в разговорном русском језыку за означенје нєкакого лєтала, автомобила.
Характеристикы
Пепелац јест лєтало, кторы има цилиндричну форму, вышину 5-6 метров, диаметр 2,5-3 метра. Наврху пепелац има пропелер, кторы врачаје се, когды пепелац лєтаје.
Пепелац може чинити меджупланетарне, космичне, и атмосферне прєлеты. За космично лєтанје потрєбна је гравицапа.[A][1]
Гравицапа повинна быти в мотору кораба (в цапє), да бы он могл лєтати в космосу[1]. На планетє Пљук гравицапа има цєну 2200 чатлов[2] или једна половина запалкы (или как нарєкајут обыватељи Плјука — КЦ).[1]
Когды пепелац лєтаје без гравицапы, он не може лєтати в космос. Приблизно брзост пепелаца је 150 км в једну часину[1].
С гравицапоју пепелац може прємєшчати се меджу галактиками толико в тентурє (в антитентурє не може)[B] како бы телепортирујучи се[1].
За паливо пепелац користаје луц. Луц добыва се из воды (такоже можно добыти воду из луца). На Пљуку луц можно добыти в луцеколонкє. Цєна луца је приблизно 10 чатлов и продаваје се в зарјадах (набојах). једного набоја јест достаточно за лєтанје до 160 км.[1]
Запискы
- ↑ Правилна назва јест «гравицаппа» с двома "п". О назвє писано је в самом филму. Позрети о том на YouTube од 1:04:00.
- ↑ Тентура — мєстна назва за нєкаку границу/мрєжу в галактикє.
Източникы
- ↑ a b c d e f "Гравицапа - что то јест в филму "Кин-Дза-Дза!" и одкуд туто слово је". 17 januara 2018. Bylo arhivovano iz iztočnika 10 novembra 2021.
- ↑ Чатл — мєстна валута на Плјуку.
Внєшње линкы
- Образок пепелаца из филма на русској википедији
