Slovakija
| slovač.: Slovensko | |
| Obča informacija | |
|---|---|
| Polna nazva | Slovačska republika slovač.: Slovenská republika |
| Glavny i najbolši grad | Bratislava |
| Oficialne jezyky | slovačsky jezyk |
| Državna forma | unitarna parlamentska republika |
| Statistika | |
| Plošča | 49,035 km² (127.) |
| Naseljeńje |
|
| Valuta | evro (EUR) |
| Časova zona | |
| Kod ISO 3166 | SK |
 Slovakija na kartě | |
| Koordinaty: 48°40′N 19°30′E | |
Slovakija, oficialno Slovačska republika, jest država bez izhoda k morju v Centralnoj Evropě. Graniči s Poljskoju na sěveru, Ukrajinoju na iztoku, Madjarijeju na jugu, Avstrijeju na jugozapadu i Čehijeju na sěverozapadu. Glavno gorske ozemje Slovakije imajut površinu kolo 49000 km², na ktoryh živut kolo 5,464,060 ljudij.[1] Glavny i najveliky grad jest Bratislava, a drugy najveliky grad jest Košice.
Slovjani pribyli na ozemje tutčasnoj Slovakije v 5. i 6. stolětjah. V 7. stolětju oni igrali značnu rolju v stvorjeńju Samovoj državy. V 9. stolětju oni osnovali Nitrsko knežstvo, ktoro bylo potom zavojevanym Moravskym knežstvom i vošlo v sostav Velikoj Moravije. V 10. stolětju, poslě razpada Velikoj Moravije, ozemje Slovakije byli zavojevane Madjarskym knežstvom, ktoro stalo Kraljevstvom Madjarija v 1000 roku. V 1241 i 1242 roku, v čas mongolskogo vpada v Evropu, mnoge ozemja Slovakije uniščili mongoli.
Poslě Prvoj světovoj vojny i razpada Avstro-Madjarije čehi i slovaki osnovali Čehoslovakiju. Prva Slovačska republika byla čestično poznanoju državoju-marionetkoju nacističnoj Němcije. Poslě konca Drugoj světovoj vojny Čehoslovakija byla prěosnovana kako nezaležna država. Poslě puča 1948 roka Čehoslovakija stala byti pod komunističnoju administracijeju i stala čestju sovětskogo Iztočnogo bloka. Proby liberalizovati komunizm v Čehoslovakiji skončili v Pražskoj vesně, ktoru raztoptali sily Sovětskogo sojuza i inyh držav Iztočnogo bloka vpadom v avgustu 1968 roka. V 1989 roku Aksamitno povstańje zakončilo period komunističnoj vlasti v Čehoslovakiji, i v 1993 roku Čehoslovakiju razpustili na dve nezaležnyh državy, Čehiju i Slovakiju.
Slovakija jest parlamentska republika. Vhodi v Organizaciju sjedinjenyh narodov i Evropejsky sojuz (s 2004 roku). Valuta Slovakije jest evro.
Administrativno děljenje[izměniti | izměniti kod]
Slovakija deli se na 8 krajin:
- Bratislavski kraj (slovač.: Bratislavský kraj)
- Trnavski kraj (slovač.: Trnavský kraj)
- Nitranski kraj (slovač.: Nitriansky kraj)
- Trenčinski kraj (slovač.: Trenčiansky kraj)
- Banskobystricki kraj (slovač.: Banskobystrický kraj)
- Žilinski kraj (slovač.: Žilinský kraj)
- Košicki kraj (slovač.: Košický kraj)
- Prešovski kraj (slovač.: Prešovský kraj)
Iztočniky[izměniti | izměniti kod]
- ↑ a b "Stock of population in the SR on 30th September 2020". slovak.statistics.sk (na anglijskom). 1 junija 2020.
Vněšnje linky[izměniti | izměniti kod]
- Tutoj članok imaje prěvod iz članka «Slovakia» v Vikipediji na anglijskom (spis avtorov; dozvoljeńje CC BY-SA 3.0 Unported).