Алконост

Iz Medžuviki, svobodnoj enciklopedije
(Bylo prěadresovano iz Alkonost)
Jump to navigation Jump to search
«Алконост», образ-лубок росијского умєтника Ивана Билибина.

Алконост jест рајска птица с главоjу красивој дєвчины в старорусскых прєданјах и росијској умєтности. Прєданје об Алконосту јест свезано с прєданјем о птицє Сирин, але в разницу од јеј Алконост приноси људам шчестје.

Образ Алконоста произходи из гречского мита о дєвчинє Алкионє, ктора по митам јест обрачана богами в зимородка. Име Алконоста, веројетно, произходе од рєченја «Алкион јест птица» в булгарском прєводу гречского Хексамерона.

По прєданјам Алконост живе в раjу на земjи (Выриjе), але часом прилєтаjе до људскых краjин, абы разгласити дља људиј некоjе важно посланjе. Алконост пєваjе натолико лєпо, же кажды очарованы jеј гласом забезпамечаjе обо всем на свєту. Алконост несе jаjца в зимны час на брєгу морја, кторо уноси их в морску бездну. 7 дњев оне лежат на дну морја, а потом двигаjут се на поврхњу. В ту седмицу на морју је безвєтрjе. Потом Алконост бере и высиджуjе jаjца на брєгу. Когда же птача народжаjут се, на морју начинаjе се бурја.

В образах глава Алконоста обычаjно овенчаjе се короноjу. В росијскых образах-лубках Алконоста рысовајут с женскыми грудами и руками, в которых она држи раjскы цвєт или папирны свиток с надписом.

Птицу Алконост споминајут в текстах пєснеј Владимира Высоцкого и Бориса Гребеншчикова.

Внєшње линкы[izměniti | izměniti kod]