Avstrija
| Država | |
|---|---|
| Avstrija | |
| něm.: Österreich | |
| Obča informacija | |
| Polna nazva | Republika Avstrija |
| Stoličny grad | Viena |
| Državna forma | republika |
| Oficialny jezyk | Nemečsky |
| Statistika | |
| Površina | 83 879 km² |
| Naseljenje (2016) | 8 712 137 ljudij |
| Časova zona | UTC+1/+2 |
| Ine | |
| Himn | Land der Berge, Land am Strome |
| Valuta | evro (EUR) |
| Kod | AT |
 Avstrija na kartě | |
Avstrija, oficialjno Republika Avstrija (něm.: Republik Österreich), jest država v Centraljnoj Evropě. Susednymi državami sut Čehija i Nemcija na sěvere, Slovakija i Vugrija na vzhode, Slovenija i Italija na juge i Švejcarija i Lihtenštejn na zapade. Površina Avstrije jest 83 879 km². Naseljenje Avstrije jest ok. 8 712 137 ljudij (na 2016 rok[1]). Glavny i najveliki grad jest Viena.
Avstrija jest federaljna parlamentska republika. Vhodi v Organizaciju Sjedinjenyh Narodov (s 1955 roku) i Evropejsku Uniju (s 1995 roku). Valuta Avstrije jest evro.
Historija[praviti | praviti kod]
V 6–7. stolětjah Avstriju obyvali slovjanske i germanske plemena. Avstrija pojavila se iz Vozhodnoj marke Karla Velikogo. S 976 po 1246 roky Avstrijeju upravjali Babenbergy. V 1276–1278 roky avstrijske ozemja zahvatil Rudoljf 1. Habsburg. V koncu 14. stolětja Avstrija byla jednoju iz najvelikyh knežstv Svetoj Rimskoj imperije. V 1526 roku v sostav Avstrije všli Čehija i Vugrija.[2]
V 1867 roku Avstrijska imperija stala dvujednoju monarhijeju — Avstro-Vugrijeju. Poslě upada dinastije Habsburgov i kolapsa Avstro-Vugrije v 1918 roku na jej ozemjah vniknulo několiko nezaležnyh držav. 12 novembra 1918 roka Avstrija byla proglašena republikoju.[2]
Administrativno děljenje[praviti | praviti kod]
Avstrija deli se na 9 krajin:
- Burgenland (něm.: Burgenland)
- Karintija (něm.: Kärnten)
- Doljna Avstrija (něm.: Niederösterreich)
- Zalcburg (něm.: Salzburg)
- Štirija (něm.: Steiermark)
- Tirolj (něm.: Tirol)
- Vrhna Avstrija (něm.: Oberösterreich)
- Forarljberg (něm.: Vorarlberg)
- Viena
Iztočniky[praviti | praviti kod]
- ↑ World Population Prospects: The 2017 Revision, custom data acquired via website (na anglijskom). United Nations Department of Economic and Social Affairs, 2017
- ↑ 2.0 2.1 Natalija Krivec. Австрія (na ukrajinskom). Енциклопедія історії України, 2003
Kniževnost[praviti | praviti kod]
- Jeva Prister. Краткая история Австрии (na russkom). 1952
- Всемирная история (na russkom). 1958
- Австрия. Факты и цифры. 1997
Vněšnje linky[praviti | praviti kod]
- Sej zapis sodržaje prěvod iz zapisa «Австрія» (avtor — Natalija Krivec) v Enciklopedijě historije Ukrajiny (dozvolenje CC BY-SA 3.0 Unported)