Bršč

Miska bršča s koprom i udělom smetany

Bršč jest supa, ktora obyčajna v Iztočnoj Evropě i Sěvernoj Azijě. Najobyčajno bršč jest supa Ukrajinskogo pohodženja, ktory dělajut s cvekloju ako jednym iz glavnyh ingredientov i ktory imajet harakterističny črjveny cvět. Toje ime, jednako, imajet veliko čislo supej bez cvekly, take kak ščava supa («zeleny bršč»), žitovy běly bršč i kapustny bršč.

Jego popularnost razprostranila se po Iztočnoj Evropě i byvšemu Rosijskomu carjstvu i črez migraciju na druge česti světa. V Sěvernoj Amerikě bršč često svezyvajut ili s jevrejami, ili s menonitami, grupami, ktore prjvymi prinesli jego tude iz Evropy.

Etimologija

Slovo «bršč» proizhodi iz praslovjanskogo *bŭrščǐ «brščevnik», čto samo proizhodi od praindoevropejskogo bhr̥sti- < *bhares-/bhores-. Brščevnik byl glavnym ingredientom supy, dopoka ne byl zaměnjeny drugoju zeleninoju, osoblivo cvekloju.

Vněšnje linky

• Sej zapis sodržaje prěvod iz zapisa «Borscht» v Vikipedijě na anglijskom (spis avtorov; dozvolenje CC BY-SA 3.0 Unported)