CISLa

Glagolična bukva «slovo», ktora jest koristujema kako logotip konferencije

CISLa, polno Conference on Interslavic Language («Konferencija ob medžuslovjanskom jezyku»), jest prva lingvistično-kulturna konferencija, organizovana medžu inymi od tvoriteljev novoslovjanskogo i medžuslovianskogo jezykov: Vojtěha Merunky i Jana van Steenbergena. Konferencija prohodi v Čehijě.

To jest prva medžuslovjanska konferencija, na jejže mogli se strětiti členi medžuslovjanskogo projekta i različni ini ljudi, ktore sut zainteresovani projektom. Na prvu konferenciju v 2017 roku prijehali ljudi iz sedmi slovjanskyh krajin, a takože iz Kitaja, Holandije, Išpanije, Italije i Němcije. Konferencija byla zaključena memorandumom.

Konferencije

1. 1–2 junija 2017 (Stare-Mesto, Čehija)
2. 31 maja — 1 junija 2018 (Stare-Mesto i Hodonin, Čehija)
3. 11–12 septembra 2020 (Uhersky Brod, Čehija)

Vněšnje linky

• Oficialny sajt