Koordinaty: 59°N 26°E

Estonija

Iz Medžuviki, svobodnoj enciklopedije
Jump to navigation Jump to search
Država
Estonija
est.: Eesti
Horugva
Gerb
Obča informacija
Polna nazvaRepublika Estonija (est.: Eesti Vabariik)
Himn"Moja otčina, moje ščestje i radost"
Glavny i najbolši gradTalin
Državna formaunitarna parlamentska republika
Statistika
Plošča45 227[1] km² (129.)
Naseljeńje
  • Ocenka (2021): 1 330 068[2] ljudij
  • Spis (2011): 1 294 455[3] ljudij
Valutaevro (EUR)
Časova zona
Kod ISO 3166ET
Map
Estonija na kartě
Koordinaty: 59°N 26°E

Estonija, služebno Republika Estonija, jest država v Sěvernoj Evropě. Jedna iz baltičskyh držav, graniči s Latvijeju na jugu i Rosijeju na iztoku. Država skladaje se iz kontinentalnyh ozemij i 2222 ostrovov na iztočnom brěgu Baltičskogo morja. Obča površina Estonije jest 45227 km², a naseljeńje jest 1.3 miliona ljudij. Glavny i najljudny grad jest Talin.

Starodavne estonci byli poslědnjimi evropejskymi paganistami, ktori prijeli hristijanstvo, poslě Livonskogo krestovogo pohoda v 13. stolětju. Poslě stolětij inozemnoj vlady němcev, Danije, Švecije, Poljsky i Rosije v 19. i početku 20. stolětja počela zarodžati se oddělna estonska narodna identičnost. V 1920 godu, poslě vojny s sovětskoj Rosijeju, Estonija dobyla nezaležnost. Početkovo demokratična republika stala avtoritarnoju poslě 1934 goda. V 1940 godu, poslě podpisańja dogovora Molotova-Ribentropa, Estoniju okupoval i aneksoval Sovětsky sojuz. V Drugoj světovoj vojně ozemje Estonije okupovala nacistična Němcija, ale poslě 1944 goda jimi iznova stal vladati Sovětsky sojuz. V tom samom vrěmenu byla osnovana estonska vlada v izgnańju. Nezaležnost Estonije byla vračena 20 avgusta 1991 goda, poslě Pěvajučego povstańja v baltičskyh državah.

Estonija jest unitarna parlamentska republika. Vhodi v Evropejsky sojuz i NATO s 2004 goda. Valuta Estonije jest evro.

Administrativno děljeńje

Estonija děli se na 15 krajin:

  1. Valga (est.: Valga maakond)
  2. Viljandi (est.: Viljandi maakond)
  3. Vyru (est.: Võru maakond)
  4. Ida-Viru (est.: Ida-Viru maakond)
  5. Jygeva (est.: Jõgeva maakond)
  6. Ljaene-Viru (est.: Lääne-Viru maakond)
  7. Ljaene (est.: Lääne maakond)
  8. Pylva (est.: Põlva maakond)
  9. Pjarnu (est.: Pärnu maakond)
  10. Rapla (est.: Rapla maakond)
  11. Sare (est.: Saare maakond)
  12. Tartu (est.: Tartu maakond)
  13. Harju (est.: Harju maakond)
  14. Hiju (est.: Hiiu maakond)
  15. Jarva (est.: Järva maakond)

Iztočniky

  1. "Minifacts About Estonia 2017". Data dostupa: 19 julija 2017.
  2. "Population at beginning of year" (na anglijskom). Statistics Estonia. 2021.
  3. "PHC 2011 RESULTS". Statistics Estonia. 2011. Data dostupa: 26 januara 2016.

Vněšnje linky