Faktor avtobusa

Iz Medžuviki, svobodnoj enciklopedije
Jump to navigation Jump to search
Či bude li projekt prěstany, ako někaky člen projekta bude ubity avtobusom?

Faktor avtobusa (ang.: bus factor) jest měra susrědotočeńja informacije medžu členami projekta, ktora kak faktor znači kolikost učestnikov, poslě utraty ktoryh (za udara od avtobusa ili nekakogo nebezpečnogo slučaja) projekt ne bude smogti byti dokončenym.

Veliko značenje faktora znači, čto projekt bude stabilny, jestli jego budut opuščati silni rabotniki.

Nazva

Cegla v muzeju i galeriji Barody, v Vadodarě, Gudžarat, Indija.

V russkom jezyku podobny faktor takože narěkajut «faktorom cegly» (rus.: фактор кирпича)[1], ktory pokazyvaje kolikost členov projekta, poslě odhodžeńja ktoryh od projekta, za hipotetičnogo upada cegly na glavu, biznes-proces ne može idti dalje. Koristaje se za odkryvanje kritičnyh za trgovańje ljudov, ekspertov, ili kritičnyh znańjev.[2]

Metody za rěšeńje problema

Sut nekoliko metodov za rěšenje problema črěz povyšenje veličiny faktora:

  • Upravjeńje shranjeńjem znańja:
    • Ustaljeńje znalostij dokumentovańjem vsih procesov i držańje dokumentacije v aktualnosti.
    • Obučeńje inyh ljudij.
  • Smenšeńje težkosti projekta.

Iztočniky

  1. "Фактор автобуса". Bylo arhivovano iz iztočnika 7 februara 2023.
  2. "5 способов как уменьшить «фактор кирпича» в маркетинге". 21 januara 2022. Bylo arhivovano iz iztočnika 6 septembra 2022.