Koordinaty: 64°N 26°E

Finlandija

Iz Medžuviki, svobodnoj enciklopedije
Jump to navigation Jump to search
Država
Finlandija
fin.: Suomi; šved.: Finland
Horugva
Gerb
Obča informacija
Polna nazvaRepublika Finlandija (fin.: Suomen tasavalta; šved.: Republiken Finland)
Himn"Naša zemja"
Glavny i najbolši gradHelsinki
Oficialne jezyky
Državna formaunitarna parlamentska republika
Statistika
Plošča338455 km² (65.)
Naseljeńje
  • Ocenka (2020): 5536146[1] ljudij (116.)
Valutaevro (EUR)
Časova zona
Kod ISO 3166FI
Finlandija na kartě
Koordinaty: 64°N 26°E

Finlandija, oficialno Republika Finlandija, jest država v Sěvernoj Evropě. Graniči so Švecijeju na sěverozapadu, Norvegijeju na sěveru i Rosijeju na iztoku. Finlandija imaje površinu v 338455 km² i naseljeńje v 5.5 milionov ljudij. Glavny i najljudny grad jest Helsinki.

Na ozemjah Finlandije vprvo oselili se ljudi kolo 9000 goda do našej ery, poslě poslědnjego lednikovogo perioda. S 13. stolětja našej ery, poslě Sěvernyh krestovyh pohodov, Finlandija postupno stala čestju Švecije. V 1809 godu poslě Finskoj vojny Finlandija byla aneksovana Rosijeju kako avtonomno Veliko knežstvo Finlandsko. V 1906 godu knežstvo stalo prvoju evropejskoju državoju s pravom glasovati dlja vsih ljudij i prvym v světu, v ktorom vsi ljudi mogli učestvovati v izborah. Nikolaj 2., poslědnji imperator Rosije, proboval rusifikovati Finlandiju i lišiti ju političnoj avtonomije. Vslěd rosijskyh povstanij 1917 goda Finlandija proglasila nezaležnost od Rosije. V 1918 godu v novoj državě stala se gradžanska vojna. V čas Drugoj světovoj vojny Finlandija bojevala s Sovětskym sojuzom v Zimovoj vojně i Drugoj světovoj vojně, a poslě poražky bojevala s nacističnoju Němcijeju v Laplandskoj vojně. Poslě vojny Finlandija utratila česti svojih ozemij, vključajuči kulturno i historično značny grad Vyborg, ale ohranila svoju nezaležnost.

Finlandija ostavala byti agrarnym krajem do 1950. godov. Poslě Drugoj světovoj vojny država brzo razvila promysl i silnu ekonomiku, a takože budovala obširnu spoločnu državu na osnově nordskogo modela. Finlandija pristupila do Organizacije sjedinjenyh narodov v 1955 godu i počela oficialnu politiku nevtralnosti. Finlandija pristupila do Evropejskogo sojuza v 1995 godu.

Finlandija jest unitarna parlamentska republika. Vhodi v Evropejsku Uniju (s 1995 roku). Valuta Finlandije jest evro.

Administrativno děljenje[izměniti | izměniti kod]

Finlandija deli se na 19 krajin:

Iztočniky[izměniti | izměniti kod]

  1. "Birth rate showed a slight growth in 2020" (na anglijskom). Statistics Finland. Data dostupa: 21 januara 2021.

Vněšnje linky[izměniti | izměniti kod]