Georg Viljheljm Fridrih Hegel
Georg Viljheljm Fridrih Hegel (něm.: Georg Wilhelm Friedrich Hegel; 1770–1831) byl nemečski filozof i jedna iz centralnyh osob nemečskogo idealizma.
Hegel rodil se v Štutgartu 27 avgusta 1770 goda. Hegelov sistem naleži k najmnogo složenyh v historiji filozofije. Jegovo delo "Fenomenologija duše" jest jedno iz najvažnejših filosofičnyh del. Hegelova filosofija jest imala veliki vplyv na razvitje marksizma.
Glavnym elementom v Hegelovom sisteme jest dialektična myslj. Osnovnym principom jest rěšenje: "Pravdoju jest celost; a celostu jest samo bytje, ktoro blagodareč svojemu razvitju dohodi k poslednjemu zakončeniju". Ta cela pravda realizuje se posrědstvom protivnyh sobě pravd (teza i antiteza), ktore zajedno dragoju sintezy tvoret pravdu na vyšem uravnji, ktora takože jest čest novoj protivnosti. Osnovna protivnost jest medžu idejeju i prirodoju, ktoryh sintezoju jest pojetje duše. Duša razvivaje se od subjektivnoj duše (indivualnogo človeka) k objektivnoj duše (v historiji, duše sveta) k absolutnoj duše (v umětnosti, religiji i nauke). Takim sposobom duša staje svědoma sebe i vračaje k sobě.
Hegel umrel v Berlinu 14 novembra 1831 goda.