Help:Grupy koristnikov

Iz Medžuviki, svobodnoj enciklopedije
Jump to navigation Jump to search

Koristniki i koristnice mogut byti vključenymi v različne grupy koristnikov dlja dodańja možlivosti provoditi poněktore dějańja v softveru Medijaviki. Grupy dodajut jedino koristnikam s kontom. Něktore grupy dodajut se avtomatično, ine dodajut ručno. Spis prav každoj grupy jest dostupny publično.

Poniž jest spis grup koristnikov, ktore sut dostupne dlja dodańja městnoju občinoju. Vy možete poprositi dodańja tutyh grup svojemu kontu na kavarnje občiny. Ine grupy koristnikov potrěbovajut globalnogo odobrjeńja občinoju.

Koristniki

Koristniki, ktore izměnjajut viki črěz stvoreno jimi konto (stvoriti konto, mogut pisati elektroničnoju poštoju inym koristnikam, jestli oni aktivujut adres pošty v svojih nastavjeńjah. Vse koristniki mogut označati svoje izměny kako male. Nepotvrdženi koristniki dolžny odgovarjati kapču (CAPTCHA) pri dodańju linkov na ine sajty. Oni takože mogut izměnjati svoj interfejs i različne nastavjeńja črez stranicu nastavjenij i sobstvene stranice JS i CSS.

Avtomatično potvrdženi koristniki

Něktore dejańja v Medžuviki sut obmedžene do koristnikov, ktore minuli něktore pragy po věku konta i čislu pravok. Koristniki, konto ktoryh starši 4 dnjev i ktore izdělali hot by 10 pravok, prijmajut avtomatično grupu avtomatično potvdrženyh koristnikov. Tutu grupu jest nemožlivo oddaliti od konta. Avtomatično potvrdženi koristniki mogut prěimenovati stranice i praviti poluohranjene stranice.

Samoprověrjajemi koristniki

Stranice danyh koristnikov prověrjajut se avtomatično, a jih pravky prověrjajut se, jestli prědšedša revizija uže byla prověrenoju. Dane prava sut avtomatično naznačajemy administratoram.

Spis samoprověrjajemyh koristnikov

Prověrjatelji

Dane koristniki mogut prověrjati stranice i pravky inyh koristnikov, prěimenovati fajly, stranice kategorij i prěimenovati stranice s jih podstranicami. Stranice, ktore možlivo prověrjati, sut zapisy, fajly, šablony, modulji i stranicy Vikisbornika. Jih pravky takože prověrjajut se avtomatično, kako u samoprověrjajemih koristnikov.

Spis prověrjateljev

Administratori

Prava administratorov dodaje po glasu občina dostojnym koristnikam, ktore jih proset. Dane koristniki mogut izčrknuti, ohranjati i stabilizovati stranice, blokovati i odblokovati inyh koristnikov, praviti ohranjene stranice, praviti interfejsne poslańja Medijaviki, i dodavati inym koristnikam grupy «Odstranitelji», «Prověrjatelji» i «Samoprověrjajemi koristniki».

Spis

(link na spis administratorov)

Administratori interfejsa

Prava administratorov interfejsa dodaje po glasu občina dostojnym koristnikam, ktore umějut dobro praviti CSS i/ili JS. Administratori interfejsa mogut praviti sajtovy CSS, Džavaskript (JS) i JSON (take stranicy kako MediaWiki:Common.js i MediaWiki:Vector.css, abo stranice gadžetov), CSS/JS/JSON-stranice inyh koristnikov, i stranice v prostoru imen Medijaviki.

Spis

(link na spis administratorov interfejsa)

Bjurokrati

Prava bjurokratov dodaje po glasu občina dostojnym koristnikam, ktore jih proset i uže stali administratorami. Oni mogut dodavati inym koristnikam grupu «Administrator» i dodavati i odčinjati grupu «Bot».

Spis

(link na spis bjurokratov)

Druge grupy

Odstranitelji

Koristniki, ktorym jest dodana grupa odstranitelja, mogut odstranjati pravky črez funkciju odstraneńja. Funkcija odstraneńja možlivo koristati jedino v slučajah vandalizma i odstraneńja svojih pravok.

Spis koristnikov-odstraniteljev

Boty

Konty, ktory koristujut odobrene boty dlja stvorjeńja doodobrenyh pravok, mogut označati se tako. Konty botov sut avtomatične ili poluavtomatične, jih pravky sut dobro opisane i one budut zablokovane, jestli jih dejańja različajut se od jih obyčnyh, tomu jih ne trěba prověrjati tako že silno, kako pravky ljudij.

Pravky i ine dejańja botov ne pokazyvajut v poslědnjih izměnah ili spisah slědženyh stranic dlja koristnikov, ktore ne vključili možlivost pokazyvati pravky botov. Male pravky botov na stranicah besěd koristnikov ne uvědamjajut o novyh poslańjah. Boty mogut koristati API v 5,000 odzyvah za raz, a ne 500.

Spis koristnikov-botov