Na tutoj stranice sut pravila stilja v Medžuviki, ktorym trěba slědovati dlja jednoobraznosti viki. Bolje koristnyh pravil po stilju takože jest opisano v anglijskom Manual of Style.
Pisma
Dvualfabetnost
Najčestěje, zapisy v Medžuviki sut napisane latiniceju, ale dlja udobstva osnovnoj publiky česti zapisov jest potrěbno pisati na kirilice o slědnyh državah, narodah i jezykah:
- Bělorus / bělorusi / bělorussky jezyk
- Bosnija i Hercegovina / bosnjaki ili bosnijci / bosnijsky ili bosnjačsky jezyk[A]
- Bulgarija / bulgari / bulgarsky jezyk
- Črna Gora / črnogorjani / črnogorsky jezyk[A]
- Rosija / rusi / russky jezyk
- Sěverna Makedonija / makedonci (sovrěmenni) / makedonsky jezyk
- Srbija / srbi / srbsky jezyk[B]
- Ukrajina / ukrajinci / ukrajinsky jezyk
Tuto pravilo možno izměniti, jestli jest svědočstva tego, čto latinica stala bolje popularnoju v jednoj iz tutyh držav (ili na jej bylyh ozemjah).
Alfabety
My koristajemo standardne latinsky i kiriličsky alfabety.[C] Tym ne menje, bukvy Ĺ i Ń iz etimologičnogo latinskogo alfabeta jest potrěbno koristati tam, kde jih odsutstvo izměni pravopisańje v kirilice (tak, napriklad, sklonjeńje jest potrěbno pisati s Ń, da by kirilica byla склоњенје, a ne склоњење).
Prědpočitańje standardnyh alfabetov jest diktovano sutrudničskym harakterom viki: tak ljudi, ktore ne mogut pisati etimologičnymi alfabetami, mogut pisati vo vseh zapisah viki ravno tym, kto može jimi pisati. Zapisy jest možno pisati na prědpočitajemom vami alfabetu, ale one mogut byti izměnene inymi koristnikami v standardny latinsky ili kiriličsky alfabet, zavisno od prědmeta zapisa.
Jestli vy ne možete pisati na kirilicě, vy takože možete pisati latiniceju v zapisah na kirilicě i koristati transliterator s izborom standardnoj flavorizacije. Jestli vy ne možete pisati poněktore simboly medžuslovjanskogo, koristajte skračeńja iz metody vpisa, ktora jest dostupna na každoj stranicě viki.
| Latinica | A | B | C | Č | D | DŽ | E | Ě | F | G | H | I | J | K | L | Ĺ | LJ | M | N | Ń | NJ | O | P | R | S | Š | T | U | V | Y | Z | Ž |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Kirilica | А | Б | Ц | Ч | Д | ДЖ | Е | Є | Ф | Г | Х | И | Ј | К | Л | Љ | М | Н | Њ | О | П | Р | С | Ш | Т | У | В | Ы | З | Ж | ||
Zaglavja
Vlastne imena sut pisane fonetično. Ale treba jest informovati tož ob originalnom pravopisu – najvyše dobro v kartkě, jestli nemaje kartky, v početku članka.
Zapisky
- ↑ a b Ljudi koristajut kako kirilicu, tako i latinicu, ale latinica v državě bolje popularna. Pisati preferovanym pismom.
- ↑ Ljudi koristajut kako kirilicu, tako i latinicu, ale kirilica v državě bolje popularna. Pisati preferovanym pismom.
- ↑ Stranica o pravopisańju na sajtu Jana van Steenbergena