Holokost

Iz Medžuviki, svobodnoj encyklopedije
Jump to navigation Jump to search
Vugrske jevreje v Aušvice (okupovana nacistami Poljska), maj 1944 roka. Boljšest byla "odbrana" projdti prěmo v gazove palaty

Holokost, takože šoa (heb.: השואה, "katastrofa"), bylo narodobijstvo v Drugoj světovoj vojně, v ktoroj nacistična Němcija, pomogajema jej sojuznikami, sistematično ubila 6 milionov jevrejev, dvě tretiny jevrejskogo naseljenja v Evropě, medžu 1941 i 1945 rokami. Jevreje uniščali se v ramkah večšej programy, ktora vključala prěslědovanje i ubijstvo inyh grup nazistami, vključajuči osoblivo romov, poljakov i "neizlěčimo boljnyh", a takože političnyh protivnikov, homoseksualov, svědkov Jehovy i sovětskyh vojennyh zaključilnikov.[1]

Němcija vvela prěslědovanje etapno. Poslě prihoda Hitlera k vlasti v 1933 roku, vlada vvela zakony, ktore izključali jevrejev iz gradžanskogo družstva, najvidne iz ktoryh byli Nurembergske zakony 1935 roka. S 1933 roka nacisty izbudovali mrěžu koncentracijnyh lagerjev v Němcije dlja političnyh protivnikov i "nepoželanyh" ljudij. Poslě vpada v Poljsku v 1939 roku nacisty ustanovili geta, da by odděliti jevrejev. Bylo osnovano bolje 42 000 lagerjev, get i inyh měst arěsta.[2]

Odvoženje jevrejev v geta završilo se politikoju uniščenja, ktoru nacisty imenovali "konečnym rěšenjem jevrejskogo pytanja" i ktoru nacistke činovnike obgovarili na Vanzejskoj konferencijě v Berlinu v januarju 1942 roka. Kogda nacistke vojska zahvatili ozemja Sovětskogo sojuza, vse antijevrejske měry byli pregoršeny. Pod koordinacijeju ŠŠ s, po poučenjam od najvysšego rukovodstva Nacistkoj partije, ubijstva napravili se v samoj Němcije, črěz okupovanu němcami Evropu i črěz vse ozemja, ktore kontrolovali se Osju. Poluvojenne vojska ubili okolo 1,3 miliona jevrejev v masovyh strělbah medžu 1941 i 1945 rokami. K 1942 roku žtrvy odvozili se iz get v zatvorjenyh iztvornyh želězničnyh vozah v lagerje uniščenja, kde, jestli one prěžili put, one usmrčali se v gazovyh palatah. Ubijstva potrvali se do konca Drugoj světovoj vojny v Evropě v aprilju-maju 1945 roka.

Iztočniky[praviti | praviti kod]

  1. Donaljd L. Nivyk, Frensis R. Nikosja. The Columbia Guide to the Holocaust (na anglijskom). Columbia University Press, 2000
  2. "Encyclopedia of Camps and Ghettos, 1933–1945", United States Holocaust Memorial Museum.

Vněšnje linky[praviti | praviti kod]