Jan van Steenbergen

Jan van Steenbergen v 2017 godu.

Jan van Steenbergen (1970–) jest niderlandsky jezykoznalec, tolmač, žurnalist i jezykotvoritelj. Tvoritelj medžu inymi jezykov Venedyk i Slovianski. Sutvoritelj projekta Medžuslovjanskogo jezyka, tvoritelj medžuslovjanskogo slovnika.

Johanes Hendrik van Steenbergen (nid.: Johannes Hendrik van Steenbergen) byl rodženy 3 julija 1970 goda v Hornu, Niderlandy, kde on provedl večinstvo svojego dětinstva. V 1988 godu stal studentom Amsterdamskogo universiteta, kde on zakončil učeńje po vozhodnoevropejskoj studije s glavnymi prědmetami slavistikoju i muzikologijeju. On prodolžil učiti se v Poljskě v Varšavskom universitetu i rabotal na Varšavskom jesennjem festivalu modernoj muziky. V 1997 godu on stal prěvoditeljem s poljskogo v Niderlandah.

V 1996 godu on počel pracovati nad umětnym sěvernoslovjanskym jezykom, Vuozgašchai (vozgskym), a v 2002 godu stvoril iny jezyk, venedyk, ktory byl eksperimentom, da by pokazati, kako poljsky bude izgledati kako romansky jezyk. V 2006 godu on byl jednym iz sutvoriteljev vseslovjanskogo jezyka slovianski, ktory potom stal čestju projekta medžuslovjanskogo jezyka. V novembru 2013 goda dostal medal Josefa Dobrovskogo od Češsko-moravskogo slovjanskogo sveza, a v 2018 godu takože Order Konstantina Filozofa od družstva "Slovanská Unie z.s.".

On žive v Ejmojdenu, jest svatbeny i imaje 3 dětij. Byl administratorom niderlandskoj Vikipedije.

Vněšnje linky

• Oficialny sajt
• Tutoj članok imaje prěvod iz članka "Jan van Steenbergen" v Vikipediji na anglijskom (spis avtorov; dozvoljeńje CC BY-SA 3.0 Unported).