Kancerofobija
Kancerofobija (od lat.: cancer, «rak» i greč.: φόβος, «strah»), takože onkofobija jest neracionalny strah zahvorěti vrědnym novotvorom,[1] jedin od vidov navezčivyh psihologičnyh stanij.[2] Strěčaje se pri nevrozah: obsesijah, ipohondričnom nevrozu, psihosteniji.[1][2]
Kancerofobija često javjaje se psihogenno. Poslě smrti blizkogo člověka od raka abo od nepravilnogo slova vrača podčas ogleda v boljnici u boljnogo može javiti se myslj ob tom, že on je boljny rakom.[1] Najmenše projavy vsakoj hvorby ljudi, ktori imajut kancerofobiju, videt kako projavy razvivanja u njih rakovyh novotvorov, tuto poradžaje pristupy paničskogo straha, a vsako spominanje raka privodi k sniženju nastrojenja.[1]
Obyčajno kliničny ogled na prisutnost rakovyh novotvorov ne pomagaje izlěčiti kancerofobiju: boljni često počinajut mysliti, že lěkari ne govoret jim pravdu zato, že oni sut prišli do njih prěmnogo pozdno, i jih uže ne je možlivo izlěčiti.[1]
Projavy fobije
- Razgledanje lěkarskyh sajtov za samodiagnostiku, sravnjenje svojih simptomov s projavami raka.
- Obsesije, silno fokusovanje na temě vrědnyh novotvorov, nočne mory, svezane s rakom.
- Često obslědovanje svojego zdravja: prověrka svojej težiny, kondicije muskulov, slizistyh povlak, kože.
- Izběganje měst, ktore sut někako svezane s rakom. Napriklad, odvodženje očij od rakovogo kabineta podčas vizita v boljnicu.[1]
Iztočniky
- ↑ a b c d e f "Большая энциклопедия по психиатрии - канцерофобия" [članok ob kancerofobiji na psihiatričnom portalu PsyPortal]. www.вокабула.рф (na russkom). Data dostupa: 5 januara 2023.
- ↑ a b "Большая российская энциклопедия / канцерофобия" [Velika rosijska enciklopedija / kancerofobija] (na russkom). Росси́йская акаде́мия нау́к. Data dostupa: 5 januara 2023.