Krtek

Iz Medžuviki, svobodnoj encyklopedije
Jump to navigation Jump to search
Obraz Krteka v načelnoj školě Vupertalja, Němcija

«Krtek» («Krot») ili «Krteček» («Krotik») jest češsky risovany serial hudožnika Zdeněka Milera. Glavny heroj seriala jest risovany krot Krtek, ktory često ne osiljaje člověčji svět i izkušaje različne slučaje so svojimi drugami-životinami. Prvy kratky film «Krteka» byl izpuščeny v 1957 roku, poslědnji — v 2002 roku.

Poslě smrti Milera jego vnučka Karolina Milerova dopustila stvorjeńje novogo kitajskočešskogo seriala s Krtekom, «Krtek i Panda».

Historija[praviti | praviti kod]

Krtek byl vprvo uviděny v Pragě v 1957 roku, kogdy Miler zahotěl stvoriti dětsky risovany film ob obravotyvańju ljna. Jerbo jego silno privlěkli filmy Volta Disni, on rěšil izdělati glavnym herojem životinu. Pozdněje on glasil, čto ideja izdělati glavnym herojem krota prišla k jemu, kogdy on spotknul se o krota v jednu iz pohodok.[1]

Prvy film «Kak Krtek dobyl svoje nogavičke» (češ.: Jak krtek ke kalhotkám přišel) byl priemirovany na kinofestivalu v Venecije v 1957 roku. V prvom filmu koristali češsku rěč, ale Miler hotěl, da by jego filmy byli razumlive vo vsem světu, i v inyh serijah koristal svojih dočer kako povědačnic, ktore govoret toliko medžumetja. Iztvorjeńje slědnyh serij načalo se v studijě «Kratky film» v 1963 roku. Poslědnja serija byla izpuščena v 2002 roku.

V 2014 roku vnučka Zdeněka Milera, Karolina Milerova, podpisala dogovor s kitajskoju telekompanijeju CCTV o filmovańju novyh historij s Krtekom. Suglasno Vadimu Petrovu, kompozitoru muziky v originalnom serialu, Zdeněk Miler ne hotěl izpuska novyh historij o Krteku.[2] Nove serije byli sfilmovane črez 3D-tehnologiju i personaž Krteka iznova govori v jih. Serial «Krtek i Panda» načeli prědavati v Kitaju v 2016 roku. V marecu 2019 roka Vrhny sud Pragy rěšil, čto Karolina Milerova ne imala dozvoljeńja na Krteka ili prava oddavati dozvoleńje inym producentam i jej dogovor jest nedějuči.[3]

Astronavt Endru Fojstel s Krtekom v Češskoj akademije nauk, 2011 rok

Amerikansky astronavt Endru Fojstel v 2011 roku vzel pljuševu igračku Krteka v poslědnje kosmično lětańje prěvoza «Endevor».[4] V 2018 roku on iznova vzel Krteka v kosmos podčas misije «Sojuz MS-08» do Medžunarodnoj kosmičnoj stancije.[5]

Krtek byl maskotom Evropejskogo šampionata po atletikě v poměščenju 2015 roka v Pragě.[6]

Muzika[praviti | praviti kod]

Muzika igraje važnu rolju v serialu, ibo personaže nikogdy (kromě prvoj serije) ne govoret ničego kromě čuvstvenyh zvukov, najčesty iz ktoryh jest «Ahoj!» («Zdrav!» v češskom). Muzika originalnogo seriala koristuje akustične i elektronične muzikalne orudja.

Kompozitori:

  • Miloš Vacek
  • Vadim Petrov (1974–1994, boljšest serij)

Spis serij[praviti | praviti kod]

Vsěgo s 1957 po 2002 roky bylo izpuščeno 49 kratkyh serij, od 5 do 28 minut.

Spis serij «Krteka»
Češska nazva Prěvod Rok Trvańje
01 Jak krtek ke kalhotkám přišel Kak Krtek dobyl svoje nogavičke 1957 13:04
02 Krtek a autíčko Krtek i avtočko 1963 14:26
03 Krtek a raketa Krtek i raketa 1965 08:22
04 Krtek a tranzistor Krtek i tranzistor 1968 08:12
05 Krtek a žvýkačka Krtek i žuvačka 1969 07:26
06 Krtek a zelená hvězda Krtek i zelena zvězda 1969 06:57
07 Krtek v Zoo Krtek v zooparku 1969 06:09
08 Krtek zahradníkem Krtek-sadovnik 1969 06:59
09 Krtek a ježek Krtek i ježik 1970 08:34
10 Krtek a lízátko Krtek i lizatko 1970 08:10
11 Krtek a televizor Krtek i televizor 1970 05:30
12 Krtek a paraplíčko Krtek i doždnik 1971 07:11
13 Krtek malířem Krtek-maljar 1972 09:17
14 Krtek a muzika Krtek i muzika 1974 05:00
15 Krtek a telefon Krtek i telefon 1974 05:12
16 Krtek a zápalky Krtek i zapalky 1974 05:08
17 Krtek chemikem Krtek-hemik 1974 05:25
18 Krtek a buldozér Krtek i buljdozěr 1975 05:43
19 Krtek a koberec Krtek i koverec 1974 05:22
20 Krtek a vejce Krtek i jajce 1975 05:15
21 Krtek fotografem Krtek-fotograf 1975 05:33
22 Krtek hodinářem Krtek-časodělatelj 1974 05:08
23 Krtek na poušti Krtek v pustynjě 1975 05:52
24 Krtek o Vánocích Krtek v Rodžeńju 1975 05:26
25 Krtek a karneval Krtek i karnaval 1975 05:14
26 Krtek ve městě Krtek v gradu 1982 28:28
27 Krtek ve snu Krtek vo snu 1984 28:01
28 Krtek a medicína Krtek i medicina 1987 28:04
29 Krtek filmová hvězda Krtek-kinoznamenitost 1988 27:47
30 Krtek a orel Krtek i orel 1992 28:05
31 Krtek a hodiny Krtek i časovnik 1994 28:04
32 Krtek a kachničky Krtek i mali katky 1995 05:21
33 Krtek a kamarádi Krtek i prijatelji 1995 05:19
34 Krtek a oslava Krtek i slavjenje 1995 05:20
35 Krtek a robot Krtek i robot 1995 05:21
36 Krtek a uhlí Krtek i vugolj 1995 05:20
37 Krtek a víkend Krtek i konec tydnja 1995 05:20
38 Krtek a houby Krtek i griby 1997 05:20
39 Krtek a maminka Krtek i mama 1997 05:20
40 Krtek a metro Krtek i metro 1997 05:20
41 Krtek a myška Krtek i myška 1997 05:19
42 Krtek a sněhulák Krtek i sněžny člověk 1998 05:09
43 Krtek a zajíček Krtek i zaječek 1997 05:11
44 Krtek a pramen Krtek i iztočnik 1999 05:19
45 Krtek a šťoura Krtek i kistočka 1999 05:22
46 Krtek a flétna Krtek i flejta 1999 05:16
47 Krtek a vlaštovka Krtek i lastovica 2000 05:50
48 Krtek a rybka Krtek i rybka 2000 05:17
49 Krtek a žabka Krtek i žabka 2002 05:20

Nagrady[praviti | praviti kod]

Serial dostal slědne nagrady:[7]

  • Veneciansky festival filma (1966) — najlěpši rekreacijny dětsky film (za seriju «Krtek i raketa»)
  • Medžunarodny festival filma v Zlinu (2001) — nagrada od publiky (za seriju «Krtek i mama»)

Iztočniky[praviti | praviti kod]

  1. "Zdenek Miler: Czech animator known for his lovable Mole character". The Independent (in English). 22 December 2011. Retrieved 15 April 2021.
  2. "Miler si pokračování Krtka nepřál, řekl k čínským dílům autor hudby Petrov - Novinky.cz". www.novinky.cz. Retrieved 15 April 2021.
  3. "Soud potvrdil, že vnučka výtvarníka Milera nemá licenci ke Krtečkovi. Smlouva byla neurčitá". iROZHLAS (in Czech). Retrieved 15 April 2021.
  4. "Česká republika má dalšího astronauta, do vesmíru poletí Krteček". novinky.cz (in Czech). Retrieved 15 April 2021.
  5. "„Vesmírní parťáci" Andrew Feustel a Krteček znova vyrazili na oběžnou dráhu". Česká astronomická společnost (in Czech). Retrieved 15 April 2021.
  6. "The story of Krtek (The Little Mole)". prague.tv (in English). Retrieved 15 April 2021.
  7. "Krtek - Awards". IMDb (in English). Retrieved 17 April 2021.

Vněšnje linky[praviti | praviti kod]