Kvir
Kvir (ang.: queer - divny, čudny[1]) jest termin označajuči ljudi vně norm heteroseksualnosti i cisgendernosti. Vključaje to identitety jednoznačne vključene v skračenju LGBT (lesbijky, gejev, biseksualistov i transgendernyh ljudi), a tož ine seksualne menšinstva, kako napriměr medžupolnyh (interseksualnyh) ljudi, panseksualistov i aseksualistov. V 19. i 20. stolětjah byl termin queer na anglijskom često koristany kako uraza odnosno glavno gejev, no od 1980 lět začela kvir občina starati se prisvojiti sobě toj termin kak izraz bunta protiv diskriminujučemu poredku[2]. Dnes jest akceptovany kako spolny identitet mnogyh seksualnyh menšinstv v različnyh državah.
Kvir-studije i kvir-teorija sut sociologične oblasti o kvir-kulturě i rolji kvir-občiny v historiji i različnyh kulturah. Kviring (kvirenje) jest reinterpretacija sociokulturnyh idej i obyčajev iz kvir perspektivy.[1]
Podobne terminy na slovjanskyh jezykoh
Tož na slovjanskyh jezykoh jestvujut terminy koristane uražlivo, ktore sobě kvir občina aktualno prisvajaje. Češski i slovačski kviry časom koristajut medžu soboju inače uražlivo slovo teplý. Po tomto pejorativu je byl nazvany byvši kvir bar Tepláreň v Bratislavě.[3]
Vněšnje linky
- ↑ a b "Queer Definition & Meaning - Merriam-Webster". Merriam-Webster. Data dostupa: 30 novembra 2023.
- ↑ Clarke, Mollie (9 februara 2021). "'Queer' history: A history of Queer". The National Archives.
- ↑ Vitalia, Bella; Chrastová, Dominika (18 oktobra 2022). "Ako hovoriť o LGBTI+ ľuďoch správne a s rešpektom (stručný manuál + otázky a odpovede)". DenníkN.