Medžuviki:Žadnogo osobnogo napada

Medžuviki jest sajt, pišemy mnogymi ljudami. Po toj pričině, osobne napady se ne prijmajut. Nužno jest komentovati zapis, a ne togo, kto jego iztvoril abo popravil.

Čto sut osobne napady

• Tvrdženja roda «Jesi balvan»;
• Tvrdženja o tom, že koristnik jest gorši od drugogo, tomu že prinaleži k inoj etniji/praktikuje inu religiuju/govori inym jazykom i t. d.;
• Tvrdženja o tom, že koristik ničto ne znaje o prědmetu zapisa;
• Kletvy;
• Sudne grozby.

Napriměr, tvrdženje «Tvoja pravka v zapisu ... ne jest pravilna, jer podolg ...» ne jest osobny napad, ibo ona kritikuje ne koristnika, a jego pravku; a tvrdženje «Tvoja pravka v zapisu ... ne jest pravilna, ale ty ne možeš srazuměti, čemu, ibo jesi neuk» jest osobny napad.

Čto dělati

V slučaju osobnogo napada, koj-nebud administrator, ktory ne dostal napad, može zablokovati togo, kto jego sdělal.