Medvěd koričnevy

Kodjaksky medvěd na ostrovu Kodjak

Medvěd koričnevy (lat.: Ursus arctos) jest vid mesojednogo sosavca iz rodiny Ursidae. On žive v Aziji, Evropě Sěvernoj i Amerikě Sěvernoj.

Futro medvěda koričnevo jest temno koričneve. V pozicije prostoj Ursus arctos měri od 1,8 do 3 metrov. Masa vagaje se medžu 80 a 780 kilogramami. Medvědica rodi dva-tri děti. Brěmennost trva okolo 8 měsecev. Porod jest obyčajno medžu dekembrom a fevruarom.

Medvědi živut diko do 30–40 godov, do 50 godov v nevolje. Oni sut vsežerni; jedut sěmena, griby, doždeve črvjaki, slimaki, jajca ptakov, med, lovet takože na lěsne zvěri i ryby. Oni živut v pralěsah, tajgah i gorskyh lěsah.

Poněkoje podvidy medvěda koričevnego

• U. arctos arctos, evrazijatsky medvěd koričnevy — tipičny vid
• U. arctos horribilis, medvěd sivy, grizli — v Amerikě
• U. arctos middendorffi, kodjak — v Amerikě, po bělom medvědu drugy najveliky mesojed pozemny
• U. arctos syriacus, sirijsky koričnevy medvěd — na Blizkom Iztoku i Kavkazu

Vněšnje linky

• Tutoj članok imaje prěvod iz članka «Niedźwiedź brunatny» v Vikipediji na poljskom (spis avtorov; dozvoljeńje CC BY-SA 3.0 Unported).