Musokios

Iz Medžuviki, svobodnoj enciklopedije
Jump to navigation Jump to search

Musokios ili Mousokios (greč.: Μουσόκιος) byl sklavinski vodž iz 6-ogo stolětja. Jego imę, zapisano grěčskymi bukvami jęst čęsto rekonstruovano kako Mǫžъkъ (Mųžòk). Pisal ob njem grěčsky historik Menandros Protiktor i Theophilaktos Simokattis.

Råzkaz ob Mųžku[izměniti | izměniti kod]

Lětě 592 bizantijsky general Priskos mšćųći sę sdělal naběg na sklavinskogo vodža Ardagasta ili Radogosta, koji prědže, godě 585 sò dunajskymi Slovjanami sdělal najezd na Bizancijum. Priskos pobědil Radogosta i Radogostu trěba bylo izběgati. Onògdy, Mųžòk, ktory prijatelil sę s Radogostem proboval mu pomogti zajedno sò svojimi ljudjami.

Vslěd prědavstva, Bizantijci napadli Sklavinov noćjejų - Mųžkovo vojsko bylo izbito a on shvaćeny svojimi vrågovami. Rěznja trvala do jutra.

Několiko Slovjanov izběglo i potom vråtilo ubivajųći čęsť Priskosovoj armije.

Někoje ljudi probojųt sråvnjati råzkaz ob Mųžku s råzkazom arabskogo pųtovatelja Al-Masudi, koji govoril ob slovjanskom krålju Madžaku (arabskom pisano Mādžk možno čitati takože Māžk, tomu že Arabovie ne imajųt zvųka ž i ne pišųt kråtke samoglåsky) iz někojego velikoj grupy Slovjanov, onže sjednil slovjanske plemena.