Niderlandy
nid.: Nederland | |
Obča informacija | |
---|---|
Polna nazva | Kraljevstvo Niderlandov (nid.: Koninkrijk der Nederlanden) |
Himn | "Vilhelmus" (nid.: Wilhelmus) |
Glavny i najbolši grad | Amsterdam |
Služebne jezyky | niderlandsky jezyk |
Državna forma | unitarna parlamentska konstitucijna monarhija |
Statistika | |
Plošča | 41 865[1][2] km² (131.) |
Naseljeńje |
|
Valuta | evro, dolar SŠA (v Karaibskom morju) |
Časova zona | |
Kod ISO 3166 | NL |
Koordinaty: 52°19′N 5°33′E |
Niderlandy, služebno Kraljevstvo Niderlandov, sut država, ktora glavno nahodi se v Zapadnoj Evropě, ale takože imaje red ozemij v Karaibskom morju. Graniči s Němcijeju na iztoku i Belgijeju na jugu, a na zapadu imaje izhod k Sěvernomu morju. Niderlandy imajut obču površinu v 41865 km², na ktoroj živut veče 17 milionov ljudij. Glavny i naljudny grad Niderlandov jest Amsterdam.
Ime državy, Niderlandy, jest pozajeno od niderlandskogo jezyka. To ime doslovno znači «nizke državy», tomu že Niderlandy sut pod uravenjem morja.
Niderlandy sut unitarna parlamentska konstitucijna monarhija. Niderlandy sut člen Evropejskogo sojuza, evrozony, G-10, NATO, OECD i Vsesvětnoj trgovoj organizacije, a takože sut člen Beneluksa i Šengenskogo prostora. V Niderlandah nahodet se Organizacija dlja zabranjańja hemičnyh oruž i 5 medžunarodnyh sudov: Postojanny sud arbitraža, Medžunarodny sud, Medžunarodny prěstupny tribunal dlja byloj Jugoslavije, Medžunarodny prěstupny sud i specialny tribunal dlja Libana.
Administrativno děljeńje
Kraljevstvo Niderlandy děli se na 4 kraja:
- Niderlandy (evropejske ozemje, ostrova Bonere, Sint-Estacijus, Saba)
- Aruba (nid.: Aruba)
- Kjurasau (nid.: Curaçao)
- Sint-Maarten (nid.: Sint Maarten)
Evropejske ozemje Niderlandov dělet se na 12 provincij.
Iztočniky
- ↑ "Oppervlakte" (na niderlandskom).
- ↑ Zaken, Ministerie van Algemene (19 maja 2015). "Waaruit bestaat het Koninkrijk der Nederlanden? – Rijksoverheid.nl". onderwerpen (na niderlandskom).
- ↑ "Dutch Census 2011 Analysis and Methodology" (PDF). Statistics Netherlands (na anglijskom). 19 novembra 2014. str. 9. Data dostupa: 9 junija 2021.