Nikola Tesla

Iz Medžuviki, svobodnoj enciklopedije
Jump to navigation Jump to search
Nikola Tesla v 1893 godu (v 37 lět).

Nikola Tesla (srb.: Никола Тесла, Nikola Tesla; 1856–1943) byl srbsky i amerikansky izmyslitelj, inženjer elektrotehniky i mehaniky, futurist. Jest najvyše znany za jego vklad v stvorjeńje modernoj sistemy dostavky električnosti.

Najglavne iznahodky Tesly sut polifazna sistema, obratno magnetično polje, asinhroničny motor, sinhroničny motor i teslovy transformator. On takože odkryl jedin iz sposobov generovati tok vysokoj čestoty, izdělal važny vklad v transmisiju i modulaciju radiosignalov i takože rabotal nad rjontgenskymi lučami.

Jego sistema poprěměnnyh tokov izdělala možlivym mnogo vyše prostu i vyše efektivnu transmisiju električnosti črěz dolge dalje. On byl ključnym člověkom v procesu stvorjeńja hidroelektrostancije na vodopadu Niagara.

Tesla rodil se 10 julija 1856 goda v Smiljanu, Avstrijska imperija (moderna Hrvatija). On umrěl 7 januara 1943 goda v vozrastu 87 lět v Ńju-Jorku, SŠA, v nudže.

Jego ime imaje jedinica měry za gustost magnetičnogo polja. Tesla byl avtorom vyše 700 patentov v 25 krajah, iz ktoryh 112 sut v oblasti elektrotehniky.

Čitati takože

Vněšnje linky