Objedinjeno kraljevstvo
| ang.: United Kingdom | |
.svg) | |
.svg) | |
| Obča informacija | |
|---|---|
| Polna nazva | Objedinjeno kraljevstvo Velikoj Britanije i Sěvernoj Irlandije ang.: United Kingdom of Great Britain and Northern Ireland |
| Himn | "Bože, shrani kralja" |
| Glavny i najbolši grad | London |
| Služebne jezyky | anglijsky jezyk |
| Državna forma | unitarna parlamentska konstitucijna monarhija |
| Statistika | |
| Plošča | 242 495 km² (78.)[1] |
| Naseljeńje | |
| Valuta | britansky funt (GBP) |
| Časova zona |
|
| Kod ISO 3166 | UK |
 Objedinjeno kraljevstvo na kartě | |
| Koordinaty: 55°N 3°W | |
Objedinjeno kraljevstvo (polno Objedinjeno kraljevstvo Velikoj Britanije i Sěvernoj Irlandije), takože znana kako Velika Britanija, jest država v Zapadnoj Evropě na ostrovah k sěverozapadu od Francije. Ozemja Objedinjenogo kraljevstva vključajut ostrov Velika Britanija, sěveroiztočnu čest ostrova Irlandija i mnogo malyh ostrovov bliz njih. Graniči po zemjě jedino s Irlandijeju na zapadu, ostalo ostrova sut okružene Atlantičnym okeanom. Obča površina Objedinjenogo kraljevstva jest 242500 km².
Objedinjeno kraljevstvo jest unitarna parlamentska konstitucijna monarhija. Glavny i najljudny grad jest London. Objedinjeno kraljevstvo děli se na 4 kraja: Anglija, Škotska (glavny grad jest Edinbro), Vels (Kardif) i Sěverna Irlandija (Belfast). Škotska, Vels i Sěverna Irlandija imajut vlastne parlamenty i vlady, každe s raznoju močju. Objedinjeno kraljevstvo imaje 14 ozemij vně Evropy, i vhodi v Sodružstvo narodov, členy ktorogo sut boljšestju byvše kolonije Kraljevstva. Valuta Objedinjenogo kraljevstva jest britansky funt.
Objedinjeno kraljevstvo razvilo se iz serije aneksij, sojuzov i razdělov jego krajev v razny čas. Dogovor o sojuzu medžu Kraljevstvom Anglija (vključajuči Vels, jego čest s 1542 roka) i Kraljevstvom Škotska v 1707 roku stvoril Kraljevstvo Velika Britanija. Jego formalny sojuz s Kraljevstvom Irlandija v 1801 roku stvoril Objedinjeno kraljevstvo Velikoj Britanije i Irlandije. Poslě povstańja v Irlandiji i mirnogo dogovora 1922 roka v sostavu Objedinjenogo kraljevstva ostali jedino ozemja šesti okrugov Sěvernoj Irlandije, i v 1927 roku država prijela sovrěmennu nazvu.
Administrativno děljeńje
Objedinjeno kraljevstvo děli se na 4 kraja:
- Anglija (ang.: England)
- Škotska (ang.: Scotland)
- Vels (ang.: Wales)
- Sěverna Irlandija (ang.: Northern Ireland)
Iztočniky
- ↑ "Demographic Yearbook – Table 3: Population by sex, rate of population increase, surface area and density" (PDF) (na anglijskom). United Nations Statistics Division. 2012. Data dostupa: 9 avgusta 2015.
- ↑ "World Population Prospects - Population Division - United Nations". population.un.org. Data dostupa: 31 mareca 2020.
- ↑ "2011 UK censuses" (na anglijskom). Office for National Statistics. Data dostupa: 17 dekembra 2012.
Vněšnje linky
- Tutoj članok imaje prěvod iz članka "United Kingdom" v Vikipediji na anglijskom (spis avtorov; dozvoljeńje CC BY-SA 4.0).