Poľska Objedinjena Rabotničska Partija

Iz Medžuviki, svobodnoj enciklopedije
(Bylo prěadresovano iz PZPR)
Jump to navigation Jump to search
Logotip PZPR

Poľska Objedinjena Rabotničska Partija (pol.: Polska Zjednoczona Partia Robotnicza) je byla vladajųća komunistična partija Poľskoj Narodnoj Republiki v lětah 1948–1990.

Partija je povstala poslě (menje ili vęće prinudženogo) slitja Poľskoj Rabotničskoj Partije (PPR) i Poľskoj Socialističnoj Partije (PPS) v 1948 godě. Od hvilje jej založenja PZPR je byla najmočnějša partija v Poľske až do pŕvyh demokratičnyh izborov v 1989 godě. Druge partije jestvujųće mimo PZPR byli čęstjų Fronta Jedinstva Naroda. Partijny sjězd PZPR-a formalno běše najvyša instancija partije. Sjězd izbiraše Centralny Komitet. Jednakže vsjakodennym rųkovodstvom partije bylo Politično Bjuro, izkonajųći komitet izbirajemy iz členov Centralnogo Komiteta. Politično Bjuro imaše i glasujųćih členov i (neglasujųćih) členov-kandidatov. V istinnosti liderom partije je byl pŕvy sektetaŕ.

V 1989 godě PZPR je stratila monopol moći v iztvorila koalicijnų vladų s Solidarnostjų. V januarě 1990 goda PZPR je razpustila sę. Čęsť členov je založila novų postkomunističnų partijų, Socialdemokracijų Poľskoj Republiki. Jednakže Poľska Komunistična Partija mni, že jest pravdivy nastųpnik PZPR-a.

Spisok pŕvyh sekretarjev PZPR-a[izměniti | izměniti kod]

Ime Roky
Boleslav Bjerut 1948–1954 (predsednik Centralnogo Komiteta)
1954–1956
Edvard Ohab 1956
Vladislav Gomulka 1956–1970
Edvard Gjerek 1970–1980
Stanislav Kanja 1980–1981
Vojteh Jaruzeľski 1981–1989
Mečislav Rakovski 1989–1990