Ponedělok

Iz Medžuviki, svobodnoj enciklopedije
Jump to navigation Jump to search

Ponedělok jest prvy denj v sedmici, denj medžu nedělěju i vtorkom. V krajah, kde suprotiv standarda ISO 8601 prvym dnjem sedmice jest obyčajno nedělja, ponedělok jest 2. denj v sedmici. Ponedělok jest obyčajno prvy denj rabotnoj sedmice.

V pravoslavju ponedělok jest denj, kogdy vozpominajut angelov. V islamu ponedělok jest jedin iz dnjev, kogdy muslimanov pobudžajut dobrovojno odkazyvati se od jediva (drugy jest četvrtok), ibo jestvujut hadity, v ktoryh Muhamad odkazyvaje se od jediva v tute dni. Po tymže haditam Muhamed byl rodženym v ponedělku.[1] V judaizmu takože mnet, čto jest dobro odkazyvati se od jediva v ponedělku.

V slovjanskyh jezykah ime ponedělka proizhode od slov "denj poslě nedělje" (běl.: панядзелак; bulg.: понеделник; češ.: pondělí; mak.: понеделник; pol.: poniedziałek; rus.: понедельник; srbohrv.: ponedeljak; slovač.: pondelok; sloven.: ponedeljek; ukr.: понеділок). V romansskyh i germanskyh jezykah ime ponedělka proizhode od slov "denj luny". V inyh jezykah ponedělok često imaje nazvu "1. denj", jestli sčitati od ponedělka, ili "2. denj", jestli sčitati od nedělji.

Iztočniky[izměniti | izměniti kod]

  1. "Is it better to fast on Mondays and Thursdays or on three days of each month?" (na anglijskom). Islam Question & Answer. Data dostupa: 17 junija 2019.

Vněšnje linky[izměniti | izměniti kod]