Koordinaty: 50°05′N 14°25′E

Praga

Iz Medžuviki, svobodnoj enciklopedije
Jump to navigation Jump to search
Praga
češ.: Praha
Horugva
Gerb
Administrativno děljeńje
DržavaČehija
Obča informacija
Osnovany7. stolětje
Plošča[1]496 km²
Nasěljeńje (2020[2])1324277 ljudij
Časova zonaUTC+1 (CET)
lětom: UTC+2 (CEST)
Praga na kartě
Koordinaty: 50°05′N 14°25′E

Praga jest glavny grad i najvyše veliky grad Čehije.

Od srědnjevěčja, Praga jest jednim iz najvyše krasivyh evropejskyh gradov. Ona jest često zvana "Grad 100 věž" ili "Srdce Evropy". Praga byla městom, kde mnogi trgovci i artisti strěčali.

Praga jest polna historičnymi monumentami i pokazyvaje vsi artistični stili. Historičny centr Pragy jest položeny na oboh brěgah reky Vltavy. Historičny centr sostoji se iz šesti čestij, ktore vyše rano byli nezaležnymi gradami, ale byli dani zajedno v 18 stolětji: Stare Město, Josefov, Nove Město, Mala Strana, Hradčani i Višegrad. Princ Borživoj založil zamok Pražsky Grad. V Pragě sut mnoge muzeji, galeriji, teatry, koncertne sale i ine historične budynki.

Istorija[izměniti | izměniti kod]

Praga

Najvyše rane obitateli oblasti, ktoryh my znamo, žili v dolině okolo rěky Vltavy okolo 500 goda do našej ery. Slovjanske plemena prišli v Bohemiju okolo 500 goda do našej ery. Jest legenda o tom, kako grad Praga počel se. Princesa Libuše, liderica slovjanskogo plemene, izbrala prostogo seljanina Premysla, da by on stal jej mužem. Ona skazala jemu, da by on šel, našel selo na Brěgu Vltavy i počel grad tam. Grad stal Pragoju, vladanoju Pržemyslovičami.

V drugoj polovině 9. stolětja, prvopočetočne fortifikaciji zamka byli sbudovane. V čas vlady Vaclava 1. v 10. stolětju crkva svetogo Vita byla sbudovana v Pražskom Gradu. Vaclav 1. byl ubity svojim bratom, kogda on šel v crkov. On byl vyše pozdno učineny svetym. V početku 11 stolětja, Pržemysloviči počeli imati moč i v Moraviji. Vratislav 2. byl prvym monarhom, imenovanym češskym kraljem.

Češsky kralj Vaclav 1. vladal od 1230 goda. On poddržival umětnost. Mnoge Němci prišli žiti v Pragu. V 1257 godu, kralj Premysl Otokar 2. osnoval Malu Stranu, da by němci žili tam. Poslědnim kraljem iz dinastiji Pržemyslovičej stal Vaclav 3. On byl ubity v Moraviji.

V čas srědnjevěčja, Praga stala mnogo važnoju kako glavny grad Svetoj Rimskoj imperije imperatorom Karlom 4. (1316-1378), ktory byl najvyše močnym vladarom v Europě v toj čas. Karl učinil Pragu velikym gradom, on sbudoval Katedralu Svetogo Vita, universitet i proslavjeny Karlov Most, ktory jest i nyně.

Poslě Karla 4., mnoge spory byli v Pragě. Svečennik Jan Hus skazal, že Rimskokatolična Crkva stala prězměrno močnoju. On byl arestovany i spaleny. Mnoge ljudi byli soglasne s tym, čto skazal Hus. Te ljudi byli nazvani husity. One metnuli mnogyh važnyh katoličnyh ljudij iz okon ("defenestracija").

Od 1526 goda, Habsburgi vladali češskym kraljevstvom. Oni byli katolikami i vladali Svetoju Rimskoju imperijeju. V 1583 godu, imperator Rudolf 2. učinil Pragu glavnym gradom vměsto Vieny. Praga snova stala bogatym gradom, i ljudi mogli byti kako katolikami, tako i protestantami. Poslě Rudolfa 2. byli mnoge religijne vojny. Oni stali čestju Tridesetlětnej vojny. Kogda Ferdinand 2. pobědil, mnoge protestanty odšli iz kraja. Novi budynki v Pragě byli sbudovani v stilu barok. Němečsky jezyk byl oficialnym, a ne češsky. Proslavjena imperatorica Marija Terezija mala 16 děti, medžu njimi tož Marija Antuaneta, ktora stala francuzskoju kraljevoju. Kogda jej syn Josef 2. vladal, religijne vojny se zakončili. Ljudi mogli vyše svobodno skazati, čto one myslet, i nikakogo rabstva uže ne bylo. Praga imala tri česti: Staré Město, Malá Strana, Nové Město. Grad byl bogaty kulturoju. Proslavjene ljudi, napriklad Volfgang Amadej Mocart, posěčali grad često.

V 19. stolětju, promysl prišel v Pragu. Byli sbudovanymi fabriki i želěznica medžu Pragoju i Vienoju. Češsko nacionalistično dviženje stalo mnogo silnym poslě 1848 goda. Čehi hotěli upotrěbjati svoj vlastny jezyk vměsto němečskogo. Kompozitory Bedržih Smetana i Antonin Dvoržak pisali muzyku o svojem kraju i često upotrěbjali češske narodne pěsnji. Nacionalny Teatr byl otvorjeny v 1881 godu.

V juniju 1914 goda, arcivojevoda Franc Ferdinand, naslědnik habsburgskogo trona, byl ubity. To stalo pričinoju Prvoj světovoj vojny. Poslě vojny, nezaležna respublika Čehoslovakija byla stvorena i Praga stala jej glavnym gradom. Ona sostojala se iz Bohemije, Moravije, Slovakije i Karpatskoj Rusi. V 1938 godu Adolf Hitler vtrgnul v kraj. Praga byla osvobodžena Črvenoju armijeju v maju 1945 goda. Ale komunisti skoro vzeli moč i kraj byl vladany komunističnoju partijeju, ktora poddavala se Sovětskomu sojuzu. Lider Aleksandr Dubček postupno proboval provoditi reformy, ale v 1968 godu, Sovětsky sojuz poslal tanki v Čehoslovakiju, da by vozstanoviti svoju moč.

Demokratija prišla v Čehoslovakiju v 1989 godu, kogda Aksamitna revolucija stala se. V 1993 godu, Čehoslovakija razdělila se na dvě državy — Čehiju i Slovakiju. Obě te državy nyně sut čestju Evropejskogo sojuza.

Kultura[izměniti | izměniti kod]

Katedrala Svetogo Vita

Poslě upada Želěznoj zavěsy v 1990 godu, Praga stala jednim iz najvyše popularnyh turističnyh měst v Evropě. Ona imaje budynky 13 stolětja, ktore sut i nyně. Pražsky Grad jest najvyše proslavjeny. Karlov Most jest nyně zatvoreny dlja transporta, da by pěšehodi mogli hoditi na most i kupovati suveniry. V Pragě sut mnogi muzeji, palaci i teatry. Turisti obyčno idut na plošču Staroměstske Naměstije v centru Pragy. Tam sut mnogi istorični budynky različnyh stolětij i Statuja Jana Husa. Proslavjeny astronomičny časovnik jest na stěně ratuša Starogo Města. V Pragě sut muzeji posvečeni proslavjenym ljudam, napriklad Bedržih Smetana, Antonin Dvoržak i Franc Kafka. Teatr Stavovske Divadlo jest jedin iz najvyše staryh teatrov v Evropě. On byl sbudovany v 1780 gody i opera Don Džovani Volfganga Amadeja Mocarta imala premieru tam.

Praga jest v spisku Světovogo Naslědstva Junesko.

Ekonomika[izměniti | izměniti kod]

Praga byla važnoju v ekonomičnom životu teritoriji tutčasnoj Čehiji s 19 stolětja, kogda region razvil promysl. Tekstilj i avta sut produkovane i eksportovane v mnoge kraji. Jeda, elektronika i hemikaliki sut produkovane. Polovina od ljudij, ktore rabotajut, sut ženy.

Praga jest grad, kde mnoge medžunarodne kompaniji majut svoje filialy. Od pozdnyh 1990 godov, Praga stala popularnym městom, kde mnogi holivudski filmy sut filmovany.

Univesitety[izměniti | izměniti kod]

V gradu sut něktori universitety, napriklad Karlov Universitet, najvyše stary universitet v srědnej i vozhodnoj Evropě, založeny v 1348 godu.

Transport[izměniti | izměniti kod]

"Nostalgična tramvaj"

Praga imaje tri liniji metra, i mnoge liniji tramvaja i avtobusa medžu prědměstjem i centrom. Jest takože funikulor na vozvyšenosti Petržin i lift v Zoologičny Park Pragy. Vsi služby imajut jednu biletnu sistemu.

Pojezdy iz Pragy jezdet v veliki grady v susednyh krajah.

Moderny Aeroport Praga-Ruzine jest upotrěbjanym mnogymi avialinijami, napriklad Češske Avialiniji.

Iztočniky[izměniti | izměniti kod]

  1. "Demographia World Urban Areas" (PDF). Demographia.com. Data dostupa: 18 novembra 2013.
  2. "Population of Municipalities – 1 January 2020". Czech Statistical Office. 30 aprilja 2020.