Prvo Srbsko Kråljevstvo
Prvo Srbsko Kråljevstvo ili Kråljevstvo Srbije byla srědnjevěčna država jestvujųća od 1170 do 1371, vladana rodinojų Nemanjićev, od 1217 byla kråljevstvo a od 1346 carjstvo.
Stefan Nemanja godě 1190 odmetl podležanje Bizantijskomu Carjstvu i završil sbiranje srbskyh zem, a poslě togo jegov syn, Stefan Nemanjić koronoval sebe godě 1217 kråljem Srbije. Poslě stvorjenja Srbskogo Kråljestva prvobytno imę državy - Raška - bylo medlo odmeteno.
Takože srbska pravoslavna crkòv stala sę nezavisna tvorjųći svoje avtokefaličsko srbsko biskupstvo, a onože godě 1345 stalo patrijarhat srbsky. Poslě dočasnoj krizy věkě XII Nemanjići načęli råzširjati svojų državų na jugo-iztok.
Věkě XIV, době Stefana Dušana Srbija zajęla Makedonijų, Epir, Tesalijų i zapadnų Trakijų, itak Dušan godě 1346 ustanovil sebe carjem Srbov i Grekov.
Poslě Dušanovoj smrti, kògda vladal jegov syn, Uroš (1355–1371), poslědni srbsky vladec od Nemanjićev, načęl sę bystry råzpad carjstva. Zajedno so smrťejų Uroša prišel konec srbskogo kråljevstva.
Vněšnje linky[izměniti | izměniti kod]
- Tutoj članok imaje prěvod iz članka «Serbia Nemaniczów» v Vikipediji na poljskom (spis avtorov; dozvoljeńje CC BY-SA 3.0 Unported).