Сєверна Македонија
мак.: Северна Македонија; алб.: Maqedonia e Veriut | |
Обча информација | |
---|---|
Полна назва | Република Сєверна Македонија мак.: Република Северна Македонија; алб.: Republika e Maqedonisë së Veriut |
Химн | Днес над Македонијеју |
Главны и најболши град | Скопје |
Служебне језыкы | |
Државна форма | унитарна парламентска република |
Статистика | |
Плошча | 25 713 км² (145.) |
Насељенје |
|
Валута | македонскы денар (MKD) |
Часова зона | |
Код ИСО 3166 | MK |
Координаты: 41.6°N 21.7°E |
Сєверна Македонија, служебно Република Сєверна Македонија, јест држава в Јужној Европє без изхода к морју. Граничи с Косовом на сєверозападу, Србијеју на сєверу, Булгаријеју на изтоку, Грецијеју на југу и Албанијеју на западу. Зајмаје приблизно сєверну третину выше великој географичној крајины Македонија и имаје површину в 25713 км². Насељенје Сєверној Македоније јест 1.83 милионов људиј. Главны и највеликы град јест Скопје, в нјем живе четврт насељенја државы. Бољшест људиј в државе сут македонци, велико меншинство такоже јест албанци.
Знана хисторија крајины починаје се с краљевства Пеонија. В концу 6. столєтја до нашеј еры крајина была покореноју персијскым царством Ахеменидов, потом в 4. столєтју до нашеј еры была вкљученоју в краљевство Македонија. Римска империја завладнула крајиноју в 2. столєтју до нашеј еры и сдєлала ју честју выше великој провинције Македонија. Крајина остала честју Бизантијској империје. С 6. столєтја на ју почели селити се и нападати словјанске племена. Послє столєтиј прєхода крајины меджу Булгарскым царством, Бизантијској империјеј и Србскым царством, с 14. столєтја соврєменне оземје Сєверној Македоније стали честју Османској империје на 5 столєтиј. Послє Балканскых војн 1912 и 1913 роков оне прєшли в сустав краљевства Србије. В часу Првој свєтовој војны оземје окуповала царство Булгарија, але послє поражкы Булгарије в војнє оне врнули се в состав краљевства Југославија. В часу Другој свєтовој војны крајина изнова была окупована Булгаријеју. Послє другој поражкы Булгарије в војнє в составу комунистичној Југославије была створјена република Македонија.
Република Македонија мирно достала незалежност од Југославије в 1991 року. Незалежна Македонија стала честју Организације сједињеных народов в априљу 1993 рока, але имала спор с Грецијеју из-за назвы «Македонија» и тому имала в ОСН часову назву «бывша југославска република Македонија». В јунију 2018 рока Македонија и Греција разрєшили спор договором, по кторому држава прєименовала се в Сєверну Македонију. Туто прєименованје было издєланым в февруару 2019 рока.
Сєверна Македонија јест унитарна парламентска република. Валута Сєверној Македоније јест македонски денар.
Източникы
- ↑ "Total resident population - Census 2021" (na anglijskom). MakStat database.
Внєшње линкы
- Тутој чланок имаје прєвод из чланка "North Macedonia" в Википедији на англијском (спис авторов; дозвољенје CC BY-SA 4.0).