S.T.A.L.K.E.R.

Iz Medžuviki, svobodnoj enciklopedije
Jump to navigation Jump to search

S.T.A.L.K.E.R. jest serija kompjuternyh igr roda strělanok prvo-osobovyh (od prvogo lica), ktora zostala stvorjena ukrajinskim studiom "GSC Game World". Dějańje igry odigryvaje se na vymyšlennoj oblasti okolo Čornobyljskoj atomnoj elektrostancije (ČAES), ktora nazyvana jest "Zona", v 2011-2012 lětah. Prvoju igroju v seriji byla igra "S.T.A.L.K.E.R.: Těnj Čornobylja", ktoru izpustili v 2007 godu.

Po dějstvu (sjužetu) igry, v 2006 roku Zona zostala poddana neočěkivanomu anomalnomy učinku (to jest tako nazyvajemo "Vymetańje"/"Vykidańje"), poslě ktorogo fizične, hemične i biologične uslovja na tutoj oblasti Zony izměnjajut se. Čim dalej pojdti v Zonu (to jest v jeju srědinu, v Černobyljsku AES), tym silněje i bolje bude projavljati se to izměněńje. Te izměněńja sut anomalijami, artefaktami, ktori pojavljajut se v tyh anomalijah, a takože mutanty, ktori "imajut strašnoraziteljne sposobnosti".

V Zonu počinajut prohoditi ljudi, imenujučije sěbe stalkerami, to jest lovcami tyh artefaktov i inyh stvarov, ktori ostali se s časov katastrofy 1986-ogo roka. Oni prodavajut te artefakty i stvary trgovcam i naučnikam, dobyvajuči takim činom ogromny nagrady, v obrazu grošov/novca. V zonu takože prihodet ljudi, ktori hčut izběgti pravo/zakon, to sut razbojniki, učinivšije někaky zločin za Zonoju.

Stalkeri i ini ljudi v Zonjě (napriklad vojini, naučniki, razbojniki, trgovci i t. d.) sut povinny prěžiti taki trudnosti, kak strětetenja s opasnymi mutantami, raznovidnymi anomaliami, inymi ljudmi, ktori mogut byti neprijateljsko nastrojeni, a takože s Vymetanjami i radiacijeju.

V pomyslu igry možna javno razviděti vliv knigi "Piknik u obruba dragi" i filma "Stalker" od Andreja Tarkovskogo.

Spis igr

Osnovna serija:

  • S.T.A.L.K.E.R.: Těnj Čornobylja (ang.: S.T.A.L.K.E.R.: Shadow of Chernobyl; 2007)
  • S.T.A.L.K.E.R.: Čisto nebo (ang.: S.T.A.L.K.E.R.: Clear Sky; 2008)
  • S.T.A.L.K.E.R.: Poklik Pripjati (ang.: S.T.A.L.K.E.R.: Call of Pripyat; 2009)
  • S.T.A.L.K.E.R. 2: Srdce Čornobylja (ang.: S.T.A.L.K.E.R. 2: Heart of Chernobyl; 2023)

Dodatočne igry:

  • S.T.A.L.K.E.R. Mobile (2007)

Vněšnje linky