Sbornik:Ⱂⱁⰲⱑⱄⱅⱐ ⱁ Ⰴⱃⰰⰽⱆⰾⱑ-ⰲⱁⰹⰵⰲⱁⰴⱑ ჻Ⱇⱖⰴⱁⱃ Ⰽⱆⱃⰻⱌⱐⰹⱀ ⱂ҃ⱃ Ⱃⰰⱇⰰⰻⰾ Ⰳⰰⱄⱂⰰⱃⱝⰰⱀ⁖

Iz Medžuviki, svobodnoj enciklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

⁘ Ⱂⱁⰲⱑⱄⱅⱐ ⱁ Ⰴⱃⰰⰽⱆⰾⱑ-ⰲⱁⰹⰵⰲⱁⰴⱑ ⁘
"Бысть Мунтьянской земли греческыя веры христианин..."
Avtor: Ⱇⱖⰴⱁⱃ Ⰽⱆⱃⰻⱌⱐⰹⱀ
Prěvod: Ⱃⰰⱇⰰⰻⰾ Ⰳⰰⱄⱂⰰⱃⱝⰰⱀ
Doba stvorjenja: 15 ⱄ҃ⱅ
Ine: ⱂⱃⰰⰲⱁⱂⰻⱄⰰⱀⱐⰵ ⱅⰵⰽⱄⱅⰰ ⰹⰵ ⱄⰳⱁⰴⱀⱁ ⱄ Ⰿⱁⰴⰵⱃⱀⱁⱙ Ⰳⰾⰰⰳⱁⰾⰻⱌⰵⱙ


Ⰲⰾⰰⰴ Ⱌⰵⱂⰵⱎ Ⰴⱃⰰⰽⱆⰾⰰ ⰻ Ⱅⱆⱃⰽⰻ


1 ⁜ Ⰱⱐⰹⰾ ⰲ Ⱞⱆⱀⱅⱐⱝⱀⱄⰽⱁⰹ ⰽⱃⰰⰹⰻⱀⱑ ⰲⱁⰹⰵⰲⱁⰴⰰ · ⱈⱃⰻⱄⱅⰻⱝⱀⰻⱀ ⰳⱃⰵⱍⱄⰽⱁⰹ ⰲⱑⱃⱐⰹ · ⰻⱞⱔ ⰹⰵⰳⱁⰲⱁ ⱂⱁ-ⰲⰰⰾⰰⱎⱄⰽⱐⰹ ⰹⰵ Ⰴⱃⰰⰽⱆⰾⰰ · ⰰ ⱂⱁ-ⱀⰰⱎⰵⱞⱆ ⁖⁓ ⰴⰺⰰⰲⱏⰾ ⁙ Ⱅⰰⰽⱁ ⱄⰲⰻⱃⱑⱂⱐⰹ ⰻ ⱞⱘⰴⱃⱐⰹ ⰱⱐⰹⰾ · ⰶⰵ ⰽⰰⰽⱁ ⰻⱞⱔ · ⱅⰰⰽⱁ ⰻ ⰶⰻⰲⱁⱅ ⰱⱐⰹⰾ ⰹⰵⰳⱁⰲ ⁙

2 ⁜ Ⱀⱑⰽⱏⰳⰴⰰ ⱂⱃⰻⱎⰾⰻ ⰽ ⱀⱐⰵⱞⱆ ⱂⱁⱄⰾⰻ ⱁⰴ ⱅⱆⱃⰵⱍⱄⰽⱁⰳⱁ ⱌⰰⱃⱝ ⰻ · ⰲⱎⰵⰲⱎⰻ · ⱂⱁⰽⰾⱁⱀⰻⰾⰻ ⱄⱔ ⱂⱁ ⰹⰻⱈ ⱁⰱⱐⰹⱍⰰⱓ · ⱄ ⱎⰰⱂⰽⰰⱞⰻ ⱀⰰ ⰳⰾⱉⰲⰰⱈ ⁙
Ⱁⱀ ⱅⱏⰳⰴⰰ ⱄⱂⱃⱁⱄⰻⰾ ⰹⰻⱈ⸬
⸫Ⰸⰰ ⱍⱅⱁ ⱅⰰⰽⱁ ⱂⱁⱄⱅⱘⱂⰻⰾⰻ⸬ ⱂⱃⰻⱎⰾⰻ ⰽ ⰲⰵⰾⰻⰽⱁⱞⱆ ⱌⱑⱄⰰⱃⱓ ⰻ ⱅⰰⰽⱁ ⰱⰵⰸⱍⰵⱄⱅⱐⰹⰵ ⱞⱀⱑ ⱀⰰⱀⰵⱄⰾⰻ;⸫
Ⱁⱀⰻ ⱁⰴⰸⰲⰰⰾⰻ ⱄⱔ⸬
⸫Ⱅⰰⰽⱐⰹ ⰹⰵ ⱁⰱⱐⰹⱍⰰⰹ ⱀⰰⱎ ⰻ ⰲ ⱄⱅⱃⱉⱀⱑ ⱀⰰⱎⰵⰹ⸫⁙
Ⰰ ⱁⱀ ⰻⰸⱃⱑⰽⰾ ⰹⰻⱞ⸬
⸫Ⰻ ⱝ ⱈⱁⱍⱙ ⰸⰰⰽⱁⱀ ⰲⰰⱎ ⱂⱁⱅⰲⱃⱐⰴⰻⱅⰻ · ⰴⰰ ⰱⱐⰹ ⱅⰲⱃⱐⰴⱁ ⰹⰵⰳⱁ ⰴⱃⰶⰰⰾⰻ ⱄⱔ⸫⁙
Ⰻ ⱂⱃⰻⰽⰰⰸⰰⰾ ⱁⱀ ⱂⱃⰻⰳⰲⱁⰸⰴⱐⰻⱅⰻ ⱎⰰⱂⰽⱐⰹ ⰽ ⰳⰾⱉⰲⰰⱞ ⱂⱁⱄⰾⱁⰲ ⰶⰵⰾⱑⰸⱀⱐⰹⱞⰻ ⰳⰲⱁⰸⰴⱐⰽⰰⱞⰻ · ⰻ ⱁⰴⱂⱆⱄⱅⰻⰾ ⰹⰻⱈ ⱄⱁ ⱄⰾⱁⰲⰰⱞⰻ⸬
⸫Ⱂⱁⰹⰴⰻⱅⰵ ⰻ ⱄⰽⰰⰶⰻⱅⰵ ⱌⰰⱃⱓ ⰲⰰⱎⰵⱞⱆ⸬ ⱁⱀ ⱂⱃⰻⰲⱐⰹⰽⱀⱘⰾ ⱅⱃⱐⱂⱑⱅⰻ ⱁⰴ ⰲⰰⱄ ⱅⰰⰽⱁ ⰱⰵⰸⱍⰵⱄⱅⱐⰹⰵ · ⰰ ⱞⱐⰹ ⰹⰵⱄⱞⱁ ⱀⰵ ⱂⱃⰻⰲⱐⰹⰽⱀⱘⰾⰻ · ⰻ ⱀⰵⱈⰰⰹ ⱀⰵ ⱂⱁⱄⱐⰹⰾⰰⰹⰵ ⱁⰱⱐⰹⱍⰰⰹ ⰹⰵⰳⱁⰲ ⱂⱁⰽⰰⰸⱐⰹⰲⰰⱅⰻ ⰴⱃⱆⰳⱐⰹⱞ ⱌⰵⱄⰰⱃⱝⱞ · ⰽⱅⱁⱃⱐⰹⱞ ⱅⱁⰹ ⱁⰱⱐⰹⱍⰰⰹ ⰹⰵ ⱍⱆⰼⰻⱞ · ⰰ ⰴⱃⱐⰶⰰⰹⰵ ⰲ ⰽⱃⰰⰹⰻⱀⱑ ⰹⰵⰳⱁⰲⱁⰹ⸫⁙

3 ⁜ Ⰰ ⱌⰰⱃⱐ ⰲⰵⰾⱞⰻ ⰲⰸⰱⱑⱄⰻⰾ ⱄⱔ · ⰻ ⱂⱁⱎⰵⰾ ⱀⰰ Ⰴⱃⰰⰽⱆⰾⱘ ⰲⱁⰹⱀⱁⱙ · ⰻ ⱀⰰⱂⰰⰴⰾ ⱀⰰ ⱀⱐⰵⰳⱁ ⱄ ⰲⰵⰾⰻⰽⱐⰹⱞ ⰲⱁⰹⱄⰽⱁⱞ⁙ Ⰰ Ⰴⱃⰰⰽⱆⰾⰰ ⱄⱏⰱⱃⰰⰾ ⰹⰵⰳⱁⰲⱁ ⰲⱁⰹⱄⰽⱁ · ⱆⰴⰰⱃⰻⰾ ⱀⰰ Ⱅⱆⱃⰽⱁⰲ ⱀⱁⱍⱙ ⰻ ⱞⱀⱁⰳⱐⰹⱈ ⱆⰱⰻⰾ⁙ Ⰰⰾⰵ ⱀⰵ ⱆⱄⱂⱑⰾ ⱄ ⰹⰵⰳⱁⰲⱐⰹⱞ ⱞⰰⰾⱐⰹⱞ ⰲⱁⰹⱄⰽⱁⱞ ⱂⱁⰱⱑⰴⰻⱅⰻ ⰲⰵⰾⰻⰽⱁ ⱅⱆⱃⰵⱍⱄⰽⱁ ⰲⱁⰹⱄⰽⱁ ⰻ ⱁⰴⱄⱅⱘⱂⰻⰾ⁙ Ⰻ ⱀⰰⱍⱔⰾ Ⰴⱃⰰⰽⱆⰾⰰ ⱁⱄⱁⰱⱀⱁ ⱂⱃⱁⰲⱑⱃⱝⱅⰻ ⰲⱄⱑⱈ · ⰽⱅⱁ ⰲⱃⱐⱀⱘⰾ ⱄⱔ ⱄ ⰲⱁⰹⰵⰲⱁⰴⱁⱙ ⱄ ⱂⱁⰾⱝ ⰱⰻⱅⰲⱐⰹ⸬ ⱃⰰⱀⱐⰵⱀⱐⰹⱈ ⰲ ⰳⱃⱘⰴⱐ ⱍⰵⱄⱅⰻⰾ ⰻ ⰲⰻⱅⱔⰸⱝⱞⰻ ⰴⱑⰾⰰⰾ · ⰰ ⱃⰰⱀⱐⰵⱀⱐⰹⱈ ⰲ ⱅⱐⰹⰾ ⱂⱃⰻⰽⰰⰸⱐⰹⰲⰰⰾ ⱄⰰⰴⰻⱅⰻ ⱀⰰ ⰽⱁⰾ ⱄⱁ ⱄⰾⱁⰲⰰⱞⰻ⸬ ⸫Ⱀⰵ ⱞⱘⰶ ⱅⱐⰹ· ⰰⰾⰵ ⰶⰵⱀⰰ··⸫ Ⰰ ⰽⱏⰳⰴⰰ ⱄⱀⱁⰲⰰ ⱂⱁⱎⰵⰾ ⰲⱁⰹⰵⰲⰰⱅⰻ ⱄ Ⱅⱆⱃⰽⰰⱞⰻ · ⱅⱁ ⱄⰽⰰⰸⰰⰾ ⰲⱁⰹⰻⱀⰰⱞ ⱅⰰⰽⱁ⸬
⸫Ⱜⰵⱄⱅⰾⰻ ⰽⱅⱁ ⱁ ⱄⱞⱃⱐⱅⰻ ⱞⱐⰹⱄⰾⰻ · ⱀⰵⱈⰰⰹ ⱀⰵ ⰻⰴⰵ · ⰰ ⱁⱄⱅⰰⱀⰵ ⱅⱆⱅ⸫ ⁙
Ⱌⰰⱃⱐ · ⰴⱁⰲⱑⰴⰰⰲⱎⰻ ⱅⱁ · ⱁⰴⱄⱅⱘⱂⰻⰾ ⱄ ⰲⰵⰾⰻⰽⱐⰹⱞ ⱄⱃⱉⱞⱁⱞ · ⰻⰸⰳⱆⰱⰻⰲⱎⰻ ⰹⰵⰳⱁⰲⱐⰹⱈ ⰲⱁⰹⰻⱀⱁⰲ ⰱⰵⰸ ⱍⰻⱄⰾⰰ · ⰻ ⱀⰵ ⰴⱃⱐⰸⱀⱘⰾ ⱀⰰⱂⰰⱄⱅⰻ ⱀⰰ Ⰴⱃⰰⰽⱆⰾⱘ ⁙

4 ⁜ Ⰻ ⱂⱁⱄⰾⰰⰾ ⱌⰰⱃⱐ ⰽ Ⰴⱃⰰⰽⱆⰾⱑ ⱂⱁⱄⰾⰰⱀⱀⰻⰽⰰ · ⱅⱃⱑⰱⱆⱙⱍⱐⰻ ⰴⰰⱀⱐ⁙ Ⰲⰵⰾⰻⰽⱁ ⱍⰵⱄⱅⰻⰾ ⱂⱁⱄⰾⰰⱀⱀⰻⰽⰰ Ⰴⱃⰰⰽⱆⰾⰰ ⰻ ⱂⱁⰽⰰⰸⰰⰾ ⰹⰵⰳⱁⰲⱘ ⰲⰵⰾⰻⰽⱘ ⱄⰽⰰⱃⰱⱀⰻⱌⱘ ⰻ ⱄⰽⰰⰸⰰⰾ⸬
⸫Ⱝ ⰹⰵⱄⰿ ⰳⱁⱅⱁⰲⱐⰹⱞ ⱀⰵ ⱄⰰⱞⱁ ⱂⰾⰰⱅⰻⱅⰻ ⰴⰰⱀⱐ · ⰰ ⰴⰰⰶⰵ ⱈⱁⱍⱙ ⱂⱁⰹⰴⱅⰻ ⱄⱁ ⰲⱄⱑⱞ ⰲⱁⰹⱄⰽⱁⱞ ⰻ ⰱⱁⰳⰰⱅⱄⱅⰲⱁⱞ ⰽ ⱌⰰⱃⱓ ⱀⰰ ⱄⰾⱆⰶⰱⱘ· ⰻ ⰽⰰⰽⱁ ⱁⱀ ⱂⱃⰻⰽⰰⰶⰵ · ⱅⰰⰽⱁ ⱝ ⰻ ⱄⰾⱆⰶⰻⱅⰻ ⰱⱘⰴⱘ⁙ Ⰻ ⱅⱐⰹ ⱄⰽⰰⰶⰻ ⱌⰰⱃⱓ · ⰴⰰ ⰱⱐⰹ ⰽⱏⰳⰴⰰ ⱂⱁⰹⰴⱘ ⱄⰾⱆⰶⰻⱅⰻ · ⱀⰵⱈⰰⰹ ⱁⰳⰾⱉⱄⰻ ⱂⱁ ⰲⱄⰵⰹ ⱄⱅⱃⱉⱀⱑ · ⰶⰵ ⱀⰻⰽⱅⱁ ⱀⰵ ⱍⰻⱀⰻ ⰸⰾⰰ ⱞⰵⱀⰵ ⰻ ⰾⱓⰴⱝⱞ · ⰰ ⱝ ⱄⰽⱁⱃⱁ ⱂⱁⰹⰴⱘ[1] ⰲⱄⰾⱑⰴ ⱅⰵⰱⰵ ⰽ ⱌⰰⱃⱓ ⰻ ⰴⰰⱀⱐ ⱂⱃⰻⱀⰵⱄⱘ · ⰻ ⰽ ⱌⰰⱃⱓ ⱂⱃⰻⰱⱘⰴⱘ⸫ ⁙
Ⱌⰰⱃⱐ · ⱆⱄⰾⱐⰹⱎⰰⰲⱎⰻ ⱁⰴ ⱂⱁⱄⰾⰰⱀⱀⰻⰽⰰ · ⰶⰵ Ⰴⱃⰰⰽⱆⰾⰰ ⱈⱁⱍⱐⰵ ⱂⱁⰹⰴⱅⰻ ⱀⰰ ⱄⰾⱆⰶⰱⱘ · ⱂⱁⱍⰵⱄⱅⰻⰾ ⱂⱁⱄⰾⰰⱀⱀⰻⰽⰰ ⰻ ⱁⰱⰴⰰⱃⰻⰾ ⰹⰵⰳⱁ ⰱⱁⰳⰰⱅⱁ⁙ Ⰻ ⱌⰰⱃⱐ ⰱⱐⰹⰾ ⱃⰰⰴ· ⰸⰰ ⱅⱁ ⰶⰵ ⰲⱁⰹⰵⰲⰰⰾ ⱀⰰ ⰲⱏⰸⱈⱁⰴⱆ⁙ Ⰻ ⱄⱞⱑⱄⱅⰰ ⱂⱁⱄⰾⰰⰾ ⱁⰳⰾⱉⱄⰻⱅⰻ ⱂⱁ ⰲⱄⱑⱞ ⰳⱃⱉⰴⰰⱞ ⰻ ⰲⱄⰵⰹ ⱄⱅⱃⱉⱀⱑ · ⰶⰵ ⰽⱏⰳⰴⰰ Ⰴⱃⰰⰽⱆⰾⰰ ⰱⱘⰴⰵ ⰻⰴⱅⰻ · ⱀⰻⰽⱅⱁ ⰱⱐⰹ ⱀⰵ ⱍⰻⱀⰻⰾ ⰸⰾⰰ · ⰰ ⱀⰰⱂⱃⱁⱅⰻⰲ · ⱄⱅⱃⰵⱍⱐⰰⰾⰻ ⰹⰵⰳⱁ ⱄ ⱍⰵⱄⱅⱝⱞⰻ⁙ Ⰴⱃⰰⰽⱆⰾⰰ · ⱄⱏⰱⱃⰰⰲⱎⰻ ⰲⱄⰵ ⰲⱁⰹⱄⰽⱁ · ⱂⱁⰹⰵⱈⰰⰾ ⰲ ⱂⱘⱅⱐ · ⰻ ⱌⰰⱃⱐⱄⰽⰻ ⱂⱃⰻⱄⱅⰰⰲⱐⰹ[2] ⱄⰾⱑⰴⱁⰲⰰⰾⰻ ⰸⰰ Ⰴⱃⰰⰽⱆⰾⱁⱙ ⰻ ⰲⰵⰾⰻⰽⱁ ⱍⰵⱄⱅⰻⰾⰻ ⰹⰵⰳⱁ⁙ Ⰰ Ⰴⱃⰰⰽⱆⰾⰰ · ⱂⱃⱁⰹⰵⱈⰰⰲⱎⰻ ⰲ ⱅⱆⱃⰵⱍⱄⰽⱘ ⱄⱅⱃⱉⱀⱘ ⱀⰰ ⱂⱔⱅⱐ ⰴⱀⰵⰲⱀⱐⰹⱈ ⱂⱃⱑⱈⱁⰴⱁⰲ · ⱀⰰⰳⰾⱁ ⱂⱁⰲⱃⱐⱀⱘⰾ ⰲⰸⰰⰴ ⰻ ⱀⰰⱍⱔⰾ ⱃⱆⰻⱀⱁⰲⰰⱅⰻ ⰳⱃⱉⰴⱐⰹ ⰻ ⱄⰵⰾⰰ · ⰻ ⱞⱀⱁⰳⱁ ⱀⰰⱃⱁⰴⰰ ⰸⰰⱈⰲⰰⱅⰻⰾ ⰻ ⰻⰸⰳⱆⰱⰻⰾ · ⰹⰵⰴⱀⱐⰹⱈ Ⱅⱆⱃⰽⱁⰲ ⱀⰰ ⰽⱁⰾ ⱄⰰⰴⰻⰾ · ⰻⱀⱐⰹⱈ ⱀⰰ ⰽⱘⱄⱐⰹ ⱃⱑⰸⰰⰾ ⰻ ⰶⰵⰳⰾ · ⰴⰰⰶⰵ ⱞⰾⱉⰴⱍⰻⰽⱁⰲ ⰻ ⱞⰾⱉⰴⱍⰻⱌ ⱀⰵ ⱋⱔⰴⰻⰾ⁙
Ⱀⰻⱍⱅⱁ ⱀⰵ ⱁⱄⱅⰰⰲⰻⰾ ⱀⰰ ⱂⱘⱅⰻ · ⰲⱄⱙ ⱄⱅⱃⱉⱀⱘ ⱄⰴⱑⰾⰰⰾ ⱂⱆⱄⱅⱐⰹⱀⱐⰵⱙ · ⰰ ⱈⱃⰻⱄⱅⰻⱝⱀ · ⰽⱅⱁⱃⰻ ⱅⰰⱞ ⰱⱐⰹⰾⰻ · ⱆⰲⱑⰴⰾ ⰻ ⱂⱁⱄⱑⰾⰻⰾ ⰲ ⰹⰵⰳⱁⰲⱁⰹ ⰽⱃⰰⰹⰻⱀⱑ⁙
Ⰻ ⰲⱃⱐⱀⱘⰾ ⱄⱔ ⰽ ⱄⱁⰱⱑ · ⱄⱏⰱⱃⰰⰲⱎⰻ ⱀⰵⱄⱍⰻⱄⰾⱐⰵⱀⱁ ⰱⱁⰳⰰⱅⱄⱅⰲⱁ · ⰰ ⱂⱃⰻⱄⱅⰰⰲⱁⰲ ⱌⰰⱃⱐⱄⰽⱐⰹⱈ ⱁⰴⱄⰾⰰⰾ ⱄ ⱍⰵⱄⱅⱝⱞⰻ · ⱄⰽⰰⰸⰰⰲⱎⰻ ⱅⰰⰽⱁ⸬ ⸫Ⰻⰴⰻⱅⰵ ⰻ ⱂⱁⰲⱑⰴⰰⰹⱅⰵ ⱌⰰⱃⱓ ⰲⰰⱎⰵⱞⱆ ⱁ ⰲⱄⱑⱞ · ⱍⱅⱁ ⰲⰻⰴⱑⰾⰻ⸬ ⰽⱁⰾⰻⰽⱁ ⱄⱞⱁⰳⰾ · ⱅⱁⰾⰻⰽⱁ ⱂⱁⱄⰾⱆⰶⰻⰾ ⰹⰵⱞⱆ⁙ Ⰰⰽⱁ ⰾⰻ ⱂⱁⰴⱁⰱⰰⰹⰵ ⱄⱔ ⰹⰵⱞⱆ ⱞⱁⱝ ⱄⰾⱆⰶⰱⰰ · ⱝ ⰹⰵⱄⰿ ⰳⱁⱅⱁⰲⱐⰹⱞ ⰻ ⰹⰵⱋⰵ ⱅⰰⰽⱁ ⰶⰵ ⱄⰾⱆⰶⰻⱅⰻ · ⰽⱁⰾⰻⰽⱁ ⱄⰻⰾ ⱞⱀⱑ ⰱⱘⰴⰵ ⰴⱁⱄⱅⰰⰲⰰⱅⰻ⸫ ⁙

Ⱌⰰⱃⱐ ⱀⰻⱍⱅⱁ ⱀⰵ ⱄⱞⱁⰳⰾ ⱄⰴⱑⰾⰰⱅⰻ ⱄ Ⰴⱃⰰⰽⱆⰾⱁⱙ · ⱄⰰⱞⱁ ⱁⱄⱃⱉⱞⰻⰾ ⱄⱔ⁙
Ⱁⱄⱅⰰⱀⰽⱐⰹ ⱅⰲⱃⱐⰼⱐⰹ Ⱂⱁⰵⱀⰰⱃⰻ⸬ ⱅⰰⰿ ⰴⱁⰿⱁⰲⰻⰾ Ⰴⱃⰰⰽⱆⰾⰰ⁙



5 ⁜ Ⰻ ⱅⰰⰽⱁ ⱀⰵⱆⰲⰻⰴⱑⰾ Ⰴⱃⰰⰽⱆⰾⰰ ⰸⰾⰰ ⰲ ⰹⰵⰳⱁⰲⱁⰹ ⰽⱃⰰⰹⰻⱀⱑ · ⰶⰵ ⰹⰵⱄⱅⰾⰻ ⰽⱅⱁ ⱄⰴⱑⰾⰰⰾ ⰸⰾⱁⱍⰻⱀⱄⱅⰲⱁ · ⱆⰽⱃⰰⰴⰾ · ⰰⰱⱁ ⱁⰱⰽⱃⰰⰴⰾ · ⰰⰱⱁ ⱁⰱⱞⰰⱀⱘⰾ · ⰰⰱⱁ ⱁⰱⰻⰴⱑⰾ · ⱀⰵ ⱄⱞⱁⰳⰾ ⰱⱐⰹ ⰻⰸⰱⱑⰳⱅⰻ ⱄⱞⱃⱐⱅⰻ⁙ Ⰰⰽⱁ ⰾⰻ ⰱⱐⰹⰾ ⱅⱁⰹ ⰸⰾⱁⱍⰻⱀⰵⱌ ⰴⰲⱁⱃⱝⱀⰻⱀⱁⱞ · ⰰⰱⱁ ⱄⰲⱔⱍⱐⰵⱀⱀⰻⰽⱁⱞ · ⰰⰱⱁ ⱞⱀⰻⱈⱁⱞ · ⰰⰱⱁ ⱂⱃⱁⱄⱅⱐⰹⱞ ⱍⰾⱁⰲⱑⰽⱁⱞ · ⰰⰽⱁ ⰾⰻ ⱁⱀ ⰻⱞⱑⰾ ⱀⰵⱄⱍⰻⱄⰾⱐⰵⱀⱁ ⰱⱁⰳⰰⱅⱄⱅⰲⱁ · ⁖⁓ ⱅⰰⰽⱁⰼⰵ ⱀⰵ ⱄⱞⱁⰳⰾ ⰱⱐⰹ ⱁⰴⰽⱆⱂⰻⱅⰻ ⱄⱔ ⱁⰴ ⱄⱞⱃⱐⱅⰻ · ⱅⰰⰽⱐⰹⱞ ⱄⰲⰻⱃⱑⱂⱐⰹⱞ ⰱⱐⰹⰾ Ⰴⱃⰰⰽⱆⰾⰰ ⁙

6 ⁜ Ⰱⱐⰹⰾ ⰲ ⰹⰵⰳⱁⰲⱁⰹ ⰽⱃⰰⰹⰻⱀⱑ ⰲⱁⰴⱀⱐⰹ ⰻⰸⱅⱁⱍⱀⰻⰽ ⰻ ⰽⰾⱉⰴⰵⰸⱐ · ⰻ ⰽ ⱅⱆⱅⱁⱞⱆ ⰻⰸⱅⱁⱍⱀⰻⰽⱆ ⰻ ⰽⰾⱉⰴⰵⰸⱓ ⰲⰵⰴⰾⰻ ⰴⱃⱉⰳⱐⰹ ⱄⱁ ⰲⱄⱑⱈ ⱄⱅⱃⱉⱀ · ⰻ ⱞⱀⱁⰳⱁ ⰾⱓⰴⰻⰹ ⱂⱃⰻⱈⱁⰴⰻⰾⱁ ⱂⰻⱅⰻ ⰲⱁⰴⱘ ⰻⰸ ⱅⱆⱅⱁⰳⱁ ⰻⰸⱅⱁⱍⱀⰻⰽⰰ ⰻ ⰽⰾⱉⰴⰵⰸⱝ · ⰸⰰⱅⱁⰶⰵ ⰱⱐⰹⰾⰰ ⱁⱀⰰ ⱈⰾⱉⰴⱀⰰ ⰻ ⰴⱁⰱⱃⰰ ⱀⰰ ⰲⰽⱘⱄ⁙ Ⰰ Ⰴⱃⰰⰽⱆⰾⰰ ⱂⱁⰴⰾⰵ ⰽⰾⱉⰴⰵⰸⱝ · ⱈⱁⱅⱐ ⰱⱐⰹⰾⱁ ⱅⱆⱅⱁ ⰲ ⱂⱆⱄⱅⱁⱞ ⱞⱑⱄⱅⱆ · ⱂⱁⱄⱅⰰⰲⰻⰾ ⰲⰵⰾⰻⰽⱘ ⰸⰾⱉⱅⱘ ⱍⰰⱎⱘ ⱍⱆⰴⱀⱁⰹ ⰽⱃⰰⱄⱁⱅⱐⰹ · ⰴⰰ ⰱⱐⰹ ⰽⱅⱁⰽⱁⰾⰻ · ⱈⱁⱍⱙⱍⱐⰻ ⱂⰻⱅⰻ · ⱂⰻⰾ ⰻⰸ ⱍⰰⱎⰻ ⰻ ⱄⱅⰰⰲⰻⰾ ⱙ ⱀⰰ ⱞⱑⱄⱅⱁ · ⰻ ⰽⱁⰾⰻⰽⱁ ⰲⱃⱑⱞⰵⱀⰻ ⱞⰻⱀⱘⰾⱁ ⁖⁓ ⱀⰻⰽⱅⱁ ⱀⰵ ⱁⱄⱞⱑⰾⰻⰾ ⱄⱔ ⱆⰽⱃⰰⱄⱅⰻ ⱍⰰⱎⱘ⁙

7 ⁜ Ⱃⰰⰸ ⱁⰳⱈⱁⰴⰻⰾ Ⰴⱃⰰⰽⱆⰾⰰ ⱂⱁ ⰲⱄⰵⰹ ⰽⱃⰰⰹⰻⱀⱑ⸬ ⱀⰵⱈⰰⰹ ⰽ ⱀⱐⰵⱞⱆ ⱂⱃⰻⰴⱘⱅ ⰲⱄⰵ ⱄⱅⰰⱃⰻ · ⱄⰾⰰⰱⰻ · ⱈⰲⱁⱃⰻ ⰰⰱⱁ ⰱⱑⰴⱀⰻ ⰾⱓⰴⰻ⁙ Ⰻ ⱅⰰⰽⱁ ⱄⱏⰱⱃⰰⰾⱁ ⱄⱔ ⰽ ⱀⱐⰵⱞⱆ ⱀⰵⱄⱍⰻⱄⰾⱐⰵⱀⱁ ⱞⱀⱁⰳⱁ ⰶⰵⰱⱃⰰⰽⱁⰲ ⰻ ⱂⱘⱅⱀⰻⰽⱁⰲ · ⱍⰵⰽⰰⱙⱍⱐⰻⱈ ⱁⰴ Ⰴⱃⰰⰽⱆⰾⱐⰹ ⱋⰵⰴⱃⱁⰹ ⱞⰻⰾⱁⱄⱅⱐⰹⱀⱐⰵ⁙ Ⰰ ⱁⱀ ⱂⱃⰻⰽⰰⰸⰰⰾ ⱄⱏⰱⱃⰰⱅⰻ ⰲⱄⰵⱈ ⰲ ⰻⰸⰱⱆⰴⱁⰲⰰⱀⱁⱞ ⰴⰾⱝ ⱅⱁⰳⱁ ⱂⰰⰾⰰⱌⱆ ⰻ ⱂⱃⰻⱀⰵⱄⱅⰻ ⱁⰱⰻⰾⱐⰵ ⰹⰵⰴⱐⰹ ⰻ ⰲⰻⱀⰰ · ⰻ ⰲⱄⰵ ⱂⰻⱃⱁⰲⰰⰾⰻ ⰻ ⰲⰵⱄⰵⰾⰻⰾⰻ ⱄⱔ⁙ Ⰴⱃⰰⰽⱆⰾⰰ ⱄⰰⱞ ⱂⱃⰻⱎⰵⰾ ⰽ ⰳⱁⱄⱅⱝⱞ ⰻ ⱄⱂⱃⱁⱄⰻⰾ ⰹⰻⱈ⸬
⸫Ⱍⱅⱁ ⰹⰵⱋⰵ ⱈⱁⱍⱐⰵⱅⰵ ; ⸫
Ⰰ ⱁⱀⰻ ⰲⱄⰵ ⱁⰴⰸⰲⰰⰾⰻ ⱄⱔ⸬
⸫Ⱅⱁ ⰹⰵ ⰲⱑⰴⱁⱞⱁ ⱄⰰⱞⱁ Ⰱ̅ⰳⱆ ⰻ ⱅⱁⰱⱑ⸬ ⰽⰰⰽⱁ Ⰱ̅ⰳ ⱅⱁⰱⱑ ⱆⰽⰰⰶⰵ⸫ ⁙
Ⰰ ⱁⱀ ⱄⱂⱃⱁⱄⰻⰾ⸬
⸫Ⱈⱁⱍⱐⰵⱅⰵ ⰾⰻ · ⱄⰴⱑⰾⰰⱙ ⰲⰰⱄ ⱋⱔⱄⱅⰾⰻⰲⱐⰹⱞⰻ ⱀⰰ ⱅⱆⱅⱁⱞ ⱄⰲⱑⱅⱆ ⰻ ⱄⱏⰲⱄⱑⱞ ⱀⰵ ⰱⱘⰴⰵⱅⰵ ⱀⱆⰼⰰⱅⰻ ⱄⱔ;[3]
Ⱁⱀⰻ · ⱍⰵⰽⰰⱙⱍⱐⰻ ⱁⰴ Ⰴⱃⰰⰽⱆⰾⱐⰹ ⰲⰵⰾⰻⰽⱐⰹⱈ ⰱⰾⱉⰳⱁⰴⰵⱝⱀⱐ · ⰲⱏⰸⰽⰾⰻⰽⱀⱘⰾⰻ⸬
⸫Ⱈⱁⱍⱐⰵⱞⱁ · ⰳⱁⱄⱂⱁⰴⰻⱀⰵ·· ⸫
Ⰰ Ⰴⱃⰰⰽⱆⰾⰰ ⱂⱃⰻⰽⰰⰸⰰⰾ ⰸⰰⱞⰽⱀⱘⱅⰻ ⰻ ⱂⱁⰴⰶⰵⰳⱅⰻ ⱂⰰⰾⰰⱌ · ⰻ ⰲⱄⰵ ⱅⰵ ⰾⱓⰴⰻ ⰻⰸⰳⱁⱃⱑⰾⰻ⁙ Ⰻ ⱄⰽⰰⰸⰰⰾ Ⰴⱃⰰⰽⱆⰾⰰ ⰱⱁⱝⱃⰰⱞ⸬
⸫Ⰲⱑⰴⱅⰵ · ⰸⰰ ⱍⱅⱁ ⱝ ⱄⰴⱑⰾⰰⰾ ⱅⰰⰽⱁ⸬ ⱂⱃⱐⰲⱁ · ⱀⰵⱈⰰⰹ ⱀⰵ ⰴⱁⱄⰰⰼⰰⱙⱅ ⰾⱓⰴⱝⱞ ⰻ ⱀⰵ ⰱⱘⰴⰵ ⰶⰵⰱⱃⰰⰽⱁⰲ ⰲ ⰽⱃⰰⰹⰻⱀⱑ ⱞⱁⰹⰵⰹ · ⰰ ⰱⱘⰴⱘⱅ ⰲⱄⰵ ⰱⱁⰳⰰⱅⰻ · ⰲⱅⱁⱃⱁ · ⱝ ⰹⰻⱈ ⰲⱄⱑⱈ ⱁⱄⰲⱁⰱⱁⰴⰻⰾ⸬ ⱀⰵⱈⰰⰹ ⱀⰻⰽⱅⱁ ⰻⰸ ⱀⱐⰻⱈ ⱀⰵ ⱄⱅⱃⰰⰴⰰⰹⰵ ⱀⰰ ⱅⱆⱅⱁⱞ ⱄⰲⱑⱅⱆ ⱁⰴ ⱀⱘⰼⰻ ⰻ ⱈⰲⱁⱃⱁⰱⱐⰹ⸫ ⁙

8 ⁜ Ⱂⱃⰻⱎⰾⰰ ⱃⰰⰸ ⰽ Ⰴⱃⰰⰽⱆⰾⱑ ⰴⰲⱁⰹⰻⱌⰰ ⰽⰰⱅⱁⰾⰻⱍⱄⰽⱐⰹⱈ ⱞⱀⰻⱈⱁⰲ ⰻⰸ Ⰲⱘⰳⱃⱄⰽⱁⰹ ⱄⱅⱃⱉⱀⱐⰹ ⱄⰱⰻⱃⰰⱅⰻ ⱞⰻⰾⱁⱄⱅⱐⰹⱀⱙ⁙ Ⰰ Ⰴⱃⰰⰽⱆⰾⰰ ⱂⱃⰻⰽⰰⰸⰰⰾ ⱃⱉⰸⰾⱘⱍⰻⱅⰻ ⰹⰻⱈ · ⱂⱃⰻⰸⰲⰰⰾ ⰽ ⱄⱁⰱⱑ ⰹⰵⰴⱀⱁⰳⱁ ⱞⱀⰻⱈⰰ ⰻ ⱄⱂⱐⰹⱅⰰⰾ ⰹⰵⰳⱁ · ⱆⰽⰰⰸⱐⰹⰲⰰⱙⱍⱐⰻ ⱀⰰ ⰴⰲⱁⱃ · ⰽⰴⰵ ⰱⱐⰹⰾⱁ ⰱⰵⰸ ⱍⰻⱄⰾⰰ ⰾⱓⰴⰻⰹ · ⱂⱁⱄⰰⰶⰵⱀⱐⰹⱈ ⱀⰰ ⰽⱁⰾ ⰰⰱⱁ ⱄⰾⱁⱞⰰⱀⱐⰹⱈ ⱀⰰ ⰽⱁⰾⰵⱄⰰⱈ⸬
⸫Ⰴⱁⰱⱃⱁ ⰾⰻ ⱝ ⱄⰴⱑⰾⰰⰾ ⱅⱁ ⰻ ⰽⱅⱁ ⱅⰵ ⰾⱓⰴⰻ ⱀⰰ ⰽⱁⰾⰰⱈ; ⸫
Ⱞⱀⰻⱈ ⱁⰴⰸⰲⰰⰾ ⱄⱔ ⱅⰰⰽⱁ⸬
⸫Ⱀⰵ · ⱌⱑⱄⰰⱃⱓ · ⰸⰾⱁ ⱅⱐⰹ ⱅⰲⱁⱃⰻⱎ · ⰽⰰⰸⱀⱔⱍⱐⰻ ⰱⰵⰸ ⱞⰻⰾⱁⱄⱃⱐⰴⱐⱝ · ⱌⱑⱄⰰⱃⱐ ⰴⱏⰾⰶⰵⱀ ⰱⱐⰹⱅⰻ ⱞⰻⰾⱁⱄⱃⱐⰴⱀⱐⰹⱞ⁙ Ⰰ ⰾⱓⰴⰻ ⱀⰰ ⰽⱁⰾⰰⱈ ⱄⱘⱅ ⱞⱘⱍⰵⱀⰻⰽⰻ ⰻ ⱞⱘⱍⰵⱀⰻⱌⰵ·· ⸫
Ⱂⱃⰻⰸⰲⰰⰾ Ⰴⱃⰰⰽⱆⰾⰰ ⰴⱃⱆⰳⱁⰳⱁ ⱞⱀⰻⱈⰰ ⰻ ⰸⰰⱂⱐⰹⱅⰰⰾ ⰹⰵⰳⱁ ⱁ ⱅⱁⱞ ⰶⰵ⁙ Ⱁⰴⰸⰲⰰⰾ ⱄⱔ ⱅⱁⰹ⸬
⸫ Ⱅⱐⰹ · ⱌⱑⱄⰰⱃⱓ · Ⰱ̅ⰳⱁⱞ ⰹⰵⱄⰻ ⱀⰰⰸⱀⰰⱍⰵⱀⱐⰹ ⰽⰰⰸⱀⰻⱅⰻ ⰸⰾⱁⱍⱀ։ⰻⰽⱁⰲ ⰻ ⱀⰰⰳⱃⱉⰼⰰⱅⰻ ⱄⱂⱃⰰⰲⱑⰴⰾⰻⰲⱐⰹⱈ⁙ Ⰰ ⱅⱆⱅⰵ ⰾⱓⰴⰻ ⱅⰲⱁⱃⰻⰾⰻ ⰸⰾⱁ ⰻ ⱂⱁ ⰴⱑⰾⰰⱞ ⱄⰲⱁⰹⰻⱞ ⰽⰰⰸⱀⰵⱀⰻ⸫ ⁙
Ⰴⱃⰰⰽⱆⰾⰰ ⱂⱃⰻⰸⰲⰰⰾ ⱂⱃⱐⰲⱁⰳⱁ ⱞⱀⰻⱈⰰ ⰻ ⱄⰽⰰⰸⰰⰾ⸬
⸫Ⰸⰰ ⱍⱅⱁ ⱅⱐⰹ ⰲⱐⰹⱎⰵⰾ ⰻⰸ ⱞⱁⱀⰰⱄⱅⱐⰹⱃⰰ ⰻ ⰻⰸ ⱍⱐⰵⰾⱐⰵ ⱄⰲⱁⰹⰵⰹ ⰻ ⱈⱁⰴⰻⱎ ⰽ ⰲⰵⰾⰻⰽⱐⰹⱞ ⱌⱑⱄⰰⱃⱝⱞ · ⰹⰵⱄⱅⰾⰻ ⱀⰻⱍⱅⱁ ⱀⰵ ⱃⱉⰸⱆⱞⱑⰹⰵⱎ; Ⱅⱐⰹ ⱄⰰⱞ ⱄⰽⰰⰸⰰⰾ · ⰶⰵ ⱅⱆⱅⰵ ⰾⱓⰴⰻ ⱄⱘⱅ ⱞⱘⱍⰵⱀⰻⰽⰻ ⰻ ⱞⱘⱍⰵⱀⰻⱌⰵ · ⰲⱁⱅ ⱝ ⰻ ⱈⱁⱍⱙ ⱄⰴⱑⰾⰰⱅⰻ ⱞⱘⱍⰵⱀⰻⰽⱁⱞ ⱅⱔ · ⰱⱘⰴⰵⱎ ⰻ ⱅⱐⰹ ⱂⱃⱁⱄⰾⰰⰲⰹⰵⱀ ⱄ ⱀⱐⰻⱞⰻ ⰰⰽⱁ ⱞⱘⱍⰵⱀⰻⰽ⸫ ⁙
Ⰻ ⱂⱃⰻⰽⰰⰸⰰⰾ ⱂⱁⱄⰰⰴⰻⱅⰻ ⱂⱃⱐⰲⱁⰳⱁ ⱞⱀⰻⱈⰰ ⱀⰰ ⰽⱁⰾ · ⰰ ⰲⱅⱁⱃⱁⱞⱆ ⱂⱁⰲⱑⰾⰵⰾ ⰴⰰⱅⰻ ⱂⱔⱅⱐⰴⰵⱄⱔⱅⱐ ⰸⰾⱉⱅⱐⰹⱈ ⰴⱆⰽⰰⱅⱁⰲ · ⰳⱁⰲⱁⱃⱔⱍⱐⰻ⸬
⸫Ⱅⱐⰹ ⰹⰵⱄⰻ ⱞⱘⰴⱃⱐⰹ ⱍⰾⱁⰲⱑⰽ⸫ ⁙
Ⰻ ⱂⱁⰲⱑⰾⰵⰾ ⰹⰵⰳⱁ ⰲ ⰽⱁⰾⰵⱄⱀⰻⱌⰻ ⰴⱁⰲⰵⰸⱅⰻ ⰴⱁ ⰳⱃⰰⱀⰻⱌⰻ Ⰲⱘⰳⱃⱄⰽⱁⰹ ⱄⱅⱃⱉⱀⱐⰹ⁙

Ⱁⰱⱝⱄⱀⱐⰵⱀⱝ

  1. ⱄⱑⰲⰵⱃⱀⱁⱄⰾⱁⰲⱝⱀⱄⰽⱁ ⰱⱘⰴⱘⱍⱐⰵ ⰲⱃⱑⰿⱔ
  2. ⸪ⱂⱃⰻⱄⱅⰰⰲ⸪ ⱅⰱⱐⰹⰾ ⱃⱁⰴ ⱃⱁⰴ ⱄⱅⱃⰰⰶⰻ ⰻⰸ ⰱⱐⰹⰲⱎⰵⰹ Ⱃⱆⱅⰵⱀⰻⰹⰵ
  3. ⁘ⱀⱆⰼⰰⱅⰻ ⱄⱔ⁘ ⰻⰸ ⱃⱁⱄⰻⰹⱄⰽⱁⰳⱁ ang:to be needy