Sbornik:2014.03.18-21 Věsti iz Rosije i Ukrajiny (Gabriel Svoboda)

Iz Medžuviki, svobodnoj encyklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Věsti iz Slavije i okoliny
Avtor: Gabriel Svoboda
Prěvod: prvobytno medžuslovjansky
Iztočnik: Facebook Interslavic Group





  • Osmnadsęty marec dvatysęćčetyrinadsętogo goda:
    • Prezident Rosijskoj federacije Vladimir Putin govoril k Federaľnomu Sòbraňju Rosijskoj federacije, rųkovoditeljam regionov Rosije i prědstaviteljam gråđanskogo společenstva ob pristųpjeňji Republiki Krym i gråda Sevastopolj k Rosijskoj Federaciji.
    • Prezident Rosije Vladimir Putin podpisal dogovor ob prijętji Republiki Krym i Sevastopolja v sòstav Rosije. Dogovor bųde vstųpiti v silų poslě ratifikacije federaľnym sòbraňjem. V reakciji na rezultat referenduma v Republikě Krym poprosilo Pridněstrovje, kotoro jednostrånno odděljaje sę od Moldavije, za pristųpjeňje k Rosijskoj Federaciji.
"Zelene člověčki" - neoznačene vojiny Rosijsoj Federacije na letišči v Simferopolji. AK-74 jegože vojin drži v rųkě ne ima vtisknųtogo magazina. 28 fevrar(ljuty) 2014

  • Devętnadsęty marec dvatysęćčetyrinadsętogo goda:
    • Sekretař Sòvěta nacionalnoj bezpečnosti i obråny Ukrajiny Andrej Parubi dal porųčeňje ob vòvedeňji vizovogo režima s Rosijejų. Rosijskí prezident Vladimir Putin skazal, že on bųde råzvažiti vzajemno vòvedeňje viz dlja gråđanov Ukrajiny. Jednovrěmenno v Kijevě načęlo sę gotovjeňje ręda zakonoprojektov po izměnų vizovogo režima među Ukrajinojų i Evropejskojų Unijejų. Kromě togo, Sòvět nacionalnoj bezpečnosti i obråny Ukrajiny prijęl rěšeňje načęti procedurų izhoda ukrajinskoj dŕžavy iz Sòdružstva nezaležnyh dŕžav.
    • Konstitucijny Sųd Rosije jedinoglåsno priznal odpovědajųćim Konstituciji Rosijskoj federacije međunarodny dogovor ob pristųpjeňji Kryma k sòstavu Rosijskoj federacije.


  • Dvadsęty marec dvatysęćčetyrinadsętogo goda:
    • Rosija zabrånila vstųpjeňje na svojų teritorijų devęti načalnym prědstaviteljam Sòjediňenyh Štatov Ameriki v odplatě za amerikanske sankciji oglåšene poslě rosijskogo vključeňja Kryma.


  • Dvadsęťpŕvy marec dvatysęćčetyrinadsętogo goda:
    • Ukrajinsky premier-ministr Arsenij Jaceňuk podpisal sòglåšeňje ob asociaciji s Evropejskojų Unijejų.
    • Rosijsky prezident Vladimir Putin potvŕdil svojim podpisom rosijsko vključeňje Kryma.


Objasnjenja[praviti | praviti kod]