Sbornik:2015.09.1-6 Věsti iz Slavije i okoliny (Gabriel Svoboda)

Iz Medžuviki, svobodnoj enciklopedije
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Věsti iz Slavije i okoliny
Avtor: Gabriel Svoboda
Prěvod: prvobytno medžuslovjansky
Iztočnik: Facebook Interslavic Group
Doba stvorjenja: 09.09.2015





Iz vòzhodnoj Slavije i okoliny

  • Pŕvy septembr dvatysęćpętnadsętogo goda:
    Moldovske protesty, 2015 god

    • Litòvska prokuratura obvinila za vojenne zločiny i zločiny protiv člověčstvu šesťdesęt šesť gråđanov Rosije, Bělorusi i Ukrajiny v svęzi s sòbyťjami v Vilňusě v tysęćdevęťstodevęťdesętpŕvom godě, kògda od sovětskyh kulj i pod gųsenicami sovětskyh tankov umrělo četyrinadsęť ljudij.
    • Federaľna služba bezpečnosti Rosijskoj federacije opublikovala na veb-sajtě publičnyh porųčenj prědložeńje na postavjeńje ogrådy na rosijsko-ukrajinskoj granici v Rostovskoj oblasti. Råbota planuje sę zakončiti k pŕvomu dekembru dvatysęćpętnadsętogo goda.


  • Četvŕty septembr dvatysęćpętnadsętogo goda: Grupa vòorųženyh ljudij napadla odděljeňje Ministerstva Vnųtrišnjih Děl v Vahdatě pri Dušanbe (glåvnom grådě Tadžikistana), poslě čego atakovali centraľny aparat ministerstva obråny Tadžikistana, kde shvatili velikų kolikosť orųžja i amunicije. Vlada republiky oglåsila, že napadateli sųt teroristami i že v glåvě grupy stoji general-major Abduhalim Nazarzoda, byvši zastųpnik ministra obråny.


  • Šesty septembr dvatysęćpętnadsętogo goda: V centrě Kišiňeva, glåvnogo gråda Moldavije, dělal sę masovy protest, kojego učęstniki žędali - među drugym - demisijų prezidenta Nikolae Timoftiego i sòzvańje prědvrěmennyh izborov. Sòglåsno råznym ocěňeňjam čislo demonstrantov dvigalo sę od pęťdesęti do sta tysęćev ljudij.


Iz zapadnoj Slavije i okoliny

  • Četvŕty septembr dvatysęćpętnadsętogo goda:
    • Lidery krajin Vyšegradskoj grupy (Poľsky, Čehije, Slovakije i Maďarsky) dogovorili na samitě v Pragě obće oglåšeňje k sejčasnoj migracijnoj krizě.
    • Sųd v Kentuki v južnyh Sòjediňenyh Štatah Ameriky areštoval činovnicų, věrnų pęťdesętničskogo hristijanstva, dovodom za neuvažaňje k sųdu, poslě togo, kògda ona za svojų věrų odvŕgnųla pomimo rěšeňja sųda izdati dozvoľeňje na jednopolų svaťbų.


Objasnjenja[izměniti | izměniti kod]