Sbornik:2017.09.26-28 EU nehaje råzděljanja běžencev, Velika Britanija: imam zatvorjeny, Lukašenka: pravoslavje i katolicizm zajedno v Minsku (Michał Swat)
Jump to navigation
Jump to search
This text is published in Medžuviki library under the terms of fair use.
It is not released under Creative Commons Attribution-ShareAlike 3.0 license until its authors will explicitly say so.
⁘ EU nehaje råzděljanja běžencev, Velika Britanija: imam zatvorjeny, Lukašenka: pravoslavje i katolicizm zajedno v Minsku ⁘ | |
---|---|
Avtor: | Michał Swat |
Prěvod: | prvobytno medžuslovjanskom |
Iztočnik: | Medžuslovjansko Věće [1] [2] [3] [4] |
- 28.09: Prezident Bělarusi, Aleksandr Lukaszenka, prědložil daby rimsky papa František i moskòvsky patrijarh i vsej Rusi Kiril strěli sę v Minsku. Lukašenka skazal, iže Minsk jest město kde vsegda sę råzgovarjaje "ob bědah Iztoka i Zapada, Sěvera i Juga". Lukašenka pohvalil takože obě Crkve za jih sposob dějanja. Skazal takože: "Ja hotěl byh viděti pravoslavnų a katoličskų Crkòv imajųće vyše važnų roljų tako v mojej krajině kako i v inyh. Tutdenj my Vas potrěbujeme vyše neželi kògdy-nebųď." Naznačil takože važnosť postanovjenja Moskòvskogo Patriarhata. "Ako li bųdete dogovoriti sę s pravoslavnojų crkvojų, ja i narod bělorussky bųdeme dělati vse čto bųde potrěbno vam, vašim glåvnikam i našim glåvnikam crkv katoličskoj i pravoslavnoj, daby učiniti onų shodkų u Minska historičnojų. Produmajte to."
- 28.09: U Velikoj Britanije zatvorili muslimanskogo imama za jegove propovědi, v kojih on pobudžal ljudij k podpiranju Daesha i terrorizma. Kako dokaz byli zvųkozapisy jegovyh govorov ktore zapisal skryty policijnik. Imam govori, iže jegove dějanje ne bylo nezakonno, ibo samo koristal iz prava svobody slovesa.
- 26.09: Unija nehaje plan råzděljanja 120 tys. běžencev medžu krajinami Evropy. Rěšenje, ktore bylo ustanovjeno vresenjem(septembrom) u 2015 goda, bylo planovano na dva lěta i točno dnes sę zaključaje. Onògda postanovjenju protivili sę Čehija, Slovakija, Rumunija i Madjarska, a Poljska, poslě měny državnoj vlady, onogo obvęzka ne izpòlnila. Obvęzòk råzměšćenja běžencev v konci umrel sam iz sebe, ale Evropska Komisija može ješče pozvati Poljskų i Madjarskų do evropskogo Sųda Spravědlivosti i pravdopodobno tako bųde htěla učiniti.