Sbornik:2017.10.19-25 Insekty jedajųće plastik, Materske lavky, Putin ob granici s Donbasom (Michał Swat)
Jump to navigation
Jump to search
This text is published in Medžuviki library under the terms of fair use.
It is not released under Creative Commons Attribution-ShareAlike 3.0 license until its authors will explicitly say so.
⁘ Insekty jedajųće plastik, Materske lavky, Putin ob granici s Donbasom ⁘ | |
---|---|
Avtor: | Michał Swat |
Prěvod: | prvobytno medžuslovjanskom |
Iztočnik: | Medžuslovjansko Věće [1] [2] [3] |
- 25.10: Vladimir Putin učęstvoval v medžunarodnom diskusijnom klubě "Valdaj". Medžu inymi skazal, iže Rossija ne bųde hotěla zatvoriti granice s separatističnymi republikami dopoka politične prědmety ne bųdųt råzvęzane. Govoril iže"zatvorjenje granice medžu Rosijejų a neuznanymi republikami bųde privesti k situacije podobnoj Srebrenice. Prosto, tam bųde sěča. My ne možeme dopustiti to i nikògda ne bųdeme dopustiti." Obvinil takože Zapad iže načęl "eksportovati demokracijų", tako kako činil Sòvětsky Sòjųz s svojejų ideologijų i vměšivati sę v biznesy inyh držav. Skazal, iže Zapad dělaje dvulicevo, ibo ne hće dozvoliti råzděljenje Katalonije i Išpanije ale privedl k råzdělu Srbije i Kosova a takože Ukrajiny i dvoh narodnyh separatističnyh republik. Ne poddržal jędrnogo plana Sěvernoj Koreje, ale podporil dialog s jejnų vladojų. Pověděl tòž, iže USA naložilo sankcije na Rosijskų Federacijų, ibo hoće daby evropske kraje kupovali amerikansky dråžejši gaz - za to, po jego mněnju sųt takože problemy z gazovodom Nord Stream 2, hoti jest on koristny Evropě.
- 22.10: V poljskom grådě Radom, v parku, stvorili lavky s pokryvom - materam davajųćim mlěko svojim dětętam. Lavky hrånęt od větra i imajųt město kde materi mogųt prěoblěkati svoje dětę. Hvala tomu mati krmęća svoje dětę može čuti sę bezpečno i udobno. V bųdųćnosti prezident gråda hće stvoriti vęće takyh lavòk.
- 19.10: Naučniki našli ličinky insektov ktore jedųt plastik. Jesti plastik mogųt napriměr ličinky insekta Tenebrio molitor ili Galleria mellonella. Tenebrio molitor može jěsti polistyren(našli go poljske naučniki) a Galleria mellonella poljetilen(jų našli Italjani). One ličinky prěvarjajųt plastik hvala bakterijam vnųtri jihnyh črěves i prěobražajųt go na organične, bezopasne substancije i gazy. Råziskyvanja s takymi ličinkami mogųt silno pomogti pri likvidacije mnogyh plastičnyh směti ktore ne jest možlivo obråbotati i upotrěbiti nanovo.