Sbornik:2017.10.2-3 Němcija: prvy homosvęz, Katalonija: referendum nezavisnosti (Michał Swat)

Iz Medžuviki, svobodnoj encyklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Němcija: prvy homosvęz, Katalonija: referendum nezavisnosti
Avtor: Michał Swat
Prěvod: prvobytno medžuslovjanskom
Iztočnik: Medžuslovjansko Věće [1] [2] [3] [4]



Homosvęz v Niderlandah godě 2001 - Jeff Woloson i jego partner, prvy homosvęz v Niderlandah




  • 03.10: Neděljejų u išpanskoj stråny Katalonija bylo referendum odnosno nezavisnosti regiona. Glåsovalo 42% glåsovateljev, 90% hotělo samostojnosti. Katalonija jest najbogatši region Išpanije. Išpanska vlada ne sòglåsila sę s referendumom i oglåsila je nezakonnom. V těčenji referenduma byvali råzne bitky s policijejų i råzlad - Madrid izslal do Katalonije svojų gvardijų, ktora potom sporila sę s katalonskojų policijejų, a několiko stotin ljudij bylo ranjenyh. Nyně v Kataloniji jest veliky strajk zaradi dějanj policije. Dvanadsęť dråg jest zastavjenyh, prěvoz råbotaje samo čęstično. Evropska Komisija oglåsila referendum nezakonnym. Medžuvrěmenno išpanska vlada srdi sę za to že glåvniki inyh držav Evropejskogo sòjųza mòlčajųt i ne podpirajųt jej. Premier Slovenije i Belgije daže odnesli sę k tomu nerado. Premier Belgije, Theo Francken skazal iže Evropska Komisija dělaje dvulično: "Ako by tako policijno nasilje bylo v Madjarskoj abo u Poljski Juncker i Timmermans[glåvniki Komisije] reagovali by běsno. A tutčas? Ničto."


  • 02.10: Črvenjem němečsky Bundestag dozvolil homoseksualny partnersky svęzòk a tojų neděljejų podpisala partnersky svęzòk prva para homoseksualistov. Nyně u Němčije homosvęzòk imaje råvne pravila kako obyčna svaťba, homoseksualisti mogųt medžu inymi adoptovati děti. V těčenji bųdųćej sedmice para gejev, směsta poslě homosvęzka hoće adoptovati dětę koje imaje 2,5 lět, a kojim sę opekaje od rodženja. Podòlg němečskyh statistik v 2015 godě bylo v Němcije 94 tysęće homseksualnyh par.

Homo-svęzky sųt uže dozvoljene od 2001, ale doprva nyně uråvnili je so svaťbojų. U Němcije naseljenje tutčas jest 82 milionov ljudij. Sòglåsno s oboma citovanymi členkami ljudij vò homoseksualnyh parah bylo 188 tys.(94 tys. par) iz čego 86 tys.(43 tys. par) bylo v registrovanom partnerstvě. Hvala tomu legko sčisliti iže nyně pary homoseksualne u Němcije sųt 0,23% cělogo němečskogo naseljenja a homoseksualne pary v registrovanom partnerstvě sųt 0,10% vsego družstva.


Objasnjenja[praviti | praviti kod]