Sbornik:2017.11.12-15 Srbska vlada osųdila Srebrenicų, V Poljskoj novy spor ob abort (Michał Swat)
Jump to navigation
Jump to search
This text is published in Medžuviki library under the terms of fair use.
It is not released under Creative Commons Attribution-ShareAlike 3.0 license until its authors will explicitly say so.
| ⁘ Srbska vlada osųdila Srebrenicų, V Poljskoj novy spor ob abort ⁘ | |
|---|---|
| Avtor: | Michał Swat |
| Prěvod: | prvobytno medžuslovjanskom |
| Iztočnik: | Medžuslovjansko Věće [1] [2] [3] |
- 8.11: Hråni li Poljska evropsko hristijanstvo i moralne cěnnosti ili prosto jest ješče v srědnjevěči? V Poljskoj nanovo načęla sę borba medžu strånnikami svobodnogo aborta i jego protivnikami. 20-go listopada(novembra) bųde zaključeno sbiranje podpisov pod projektom "Zatrzymaj aborcję"(Obstanovi abort) ktory imaje uže vyše 500 tys. podpisov. Toj projekt hoće vòzbråniti tako rěčeny "evgeničny abort", to jest abort za bolesť dětęta, napr. hvorobų Downa, ktora v Poljskoj može byti dělana daže u 5-6 mesęca brěmennosti. Projekt oběćal podpisati napr. prezident Andrzej Duda. Prědže, okolo rujenja(oktobra) protivniki vòzbrånjenja aborta prědstavili poljskoj vladě projekt "Ratujmy kobiety"(Spasimo ženy) podpirajųći vęće svobody u antikoncepcije i aborta a takože seksualnogo obrazovanja vladě s bliz polovinojų miliona podpisov.
- 12.11: Srbska vlada osųdila srebreničskų masakrų na muslimanah i prosila ob izvinjenje. To veliky postųp, za to že prědže srbska vlada ne hotěla uznati toj tragedije. Prěd tom rěšenjem byla politična råzprava dòlga 13 časin vidima takože v televiděnji, a prěd belgradskym parlamentom sòbrali sę dvě grupy - jedna za uznanjem tragedije a druga protiv. Hvala tomu srbske politiki imajųt nadějų na lěpše vzajemno odnošenje s Evropskym sòjųzom i Bosnijejų. Zajmlivo jest, iže parlament osųdil tragedijų ale ne uznal jej za narodobijstvo. Može byti ješče několiko desętòk lět i daže Hrvati i Srbově bųdųt sę pomiriti?