Sbornik:2017.12.10-12 Rimsky papa hće izměniti "Otče Naš", Protesty v Kyjevě, USA hće vratiti ljudi na Lunų (Michał Swat, Viktor Matvejev)

Iz Medžuviki, svobodnoj enciklopedije
Jump to navigation Jump to search
This text is published in Medžuviki library under the terms of fair use.

It is not released under Creative Commons Attribution-ShareAlike 3.0 license until its authors will explicitly say so.

Rimsky papa hće izměniti "Otče Naš", Protesty v Kyjevě, USA hće vratiti ljudi na Lunų
Avtor: Michał Swat, Viktor Matvejev
Prěvod: prvobytno medžuslovjanskom
Iztočnik: Medžuslovjansko Věće [1] [2] [3] [4]



Papa rimsky František v 2013 godě



  • 10.12: Papa František hće izměniti slova molitvy "Otče Naš". Ide ob rěčenje "i ne vvedi nas v pokušenje, ale izbavi nas od zlogo". František govori, iže ono bylo zlo prěvedeno. Dnešne slova molitvy proizhodęt od latinskoj Vulgaty iz IV stolěťja, ktora byla prěvedena iz językov starogrečskogo, jevrejskogo i aramejskogo. Ide glåvno ob grěčskų rěč iz Novogo Zavěta, πειρασμός (peirasmos) koja imaje dva značenja: "probovati" ale tòž "voditi v pokušenje". Papa hoće daby izrěkati "i ne dozvoli dabysmo poddali sę pokušenju". Tako rěčenje može byti vyše jasno, ale takože provokovati protivjenje tradicionalistov i načęti teologične råzpravy.


  • 12.12: Tysęće ljudij v Kyjevě protestujųt protiv podkupstvu i nevvedenju novyh pravil do zakona. Oni hćųt vvedenja pravila ob impeachmentě, pravila ob protivkorupcijnyh sųdověh i pravila ob glåsovanji. Protest ustrojilo "Dviženje novyh sil" Mihaila Saakašviliego, byvšego prezidenta Gruzije. Hoćųt takože, daby Jurij Lucenka, Glåvny Prokuror Ukrajiny ostavil svoj uręd.


  • 12.12: Prezident USA podpisal dokument, ktory poručaje NASA razrabotati projekt vraćenja astronavtov na Lunu. Toj polet povinen stati osnovoju dlja poletov človeka na Mars i osvojenja Solnečnoj sistemy.



Objasnjenja